27 Mars 2023

Amerika Latine me Lindja e Largët në objektivë të turizmit turk

Ankara, 10 dhjetor - Turqia po përfshin në mesin e tregjeve të saj objektivë për sektorin e turizmit edhe Amerikën Latine me Lindjen e Largët.

Ministria turke e Kulturës dhe Turizmit për të promovuar vendin do të hapë në Amerikën e Jugut dhe Kanada përfaqësinë e parë, ndërsa në Kinë një të tillë të dytë.

Në mbledhjen e realizuar gjatë Panairit Turistik të organizuar në Izmir, u morën në shqyrtim ndikimet e krizës ekonomike botërore në sektorin e turizmit dhe masat, që duhen marrë në këtë drejtim.

Ministri i Kulturës dhe Turizmit, Erturull Gynaj, u shpreh se për ta shpëtuar këtë sektor nga efektet e krizës botërore janë fokusuar tek promovimi i vendin në tregje të reja.

\"Nuk do të demoralizohemi, por njëkohësisht nuk duhet edhe të qëndrojmë duarkryq. Po kapërcejmë një prag kritik. Në këtë treg të vështirë do mundohemi të qëndrojmë në këmbë pa u sprapsur. Do vazhdojmë t\'i kushtojmë rëndësi të madhe cilësisë. Personalisht edhe unë e konsideroj shumë të rëndësishme këtë pikë. Ashtu siç e kam thënë me çdo rast, do përpiqemi të mbrojmë natyrën dhe historinë\", tha Gynaj.

Turqia do të hapë për herë të parë përfaqësi turistike në Amerikën Latine dhe në Kanada.

Ndërsa përfaqësia në Kinë do të jetë e dyta e këtij lloji, gjë kjo që tregon vrullin e punimeve promovuese të Turqisë në tregjet e Lindjes së Largët.

Kalendari

Ngjarjet e datës 27 mars 2023

- Udhëheqës të Komunës së Suharekës bejnë homazhe pranë lapidarit të "Betejës së Semetishtit". (Semetisht, ora 10:00)

 - Udhëheqës të Komunës së Suharekës bejnë homazhe pranë pllakës Përkujtimore në Peqan. (Peqan, ora 10:30)

- Komisioni për Punë të Jashtme dhe Diasporë takohet me Ambasadorin e Suedisë në Kosovë, Jonas Westerlund. (Kuvendi i Kosovës, salla N506, ora 11:00)  

- Në kuadër të edicionit të 13-të, Java e Frankofonisë përurohet hapësira Franceze 'Metro Station Quatre - Septempre'. (Universiteti Ukshin Hoti në Prizren, ora 11:00)

- Udhëheqës të Komunës së Suharekës bejnë homazhe pranë Kompleksin Memorial të Dëshmorëve në Suharekë. (Suharekë, ora 11:00)

- Nën patronatin e kryetarit të Komunës së Suharekës, Bali Muharremaj promovohet libri me titull "Simbol Çlirimtari" kushtuar Heroit të Kombit Milazim Kiqina. (Shtëpia e Fellbahut në Suharekë, ora 12:00)

- Guvernatori i Bankës Qendrore të Kosovës, Fehmi Mehmeti mban konferencë për media. (Ndërtesa e BQK-së, ora 15:00)