28 Mars 2024

OEK-u dhe USAID-i, nënshkruajn Memorandum Mirëkuptimi

Prishtinë, 7 korrik - Nënshkrimi i Memorandumit të Mirëkuptimit zyrtarizon fillimin formal të bashkëpunimit në mes të Odës Ekonomike të Kosovës (OEK) dhe programit të USAID-it Sistemi për Përmbarimin e Marrëveshjeve dhe Vendimeve (SEAD) për krijimin e tribunalit të arbitrazhit në OEK.

Ky memorandum përcakton fushat në të cilat do të mbështetet tribunali, duke përfshirë: hartimin e rregullave procedurale në pajtim me standardet ndërkombëtare, hartimin e kodit të sjelljes profesionale për arbitra, trajnimin e arbitrave dhe krijimin e kapacitetit të OEK-së për administrimin e lëndëve.

Partneriteti po ashtu do të përqendrohet në promovimin e vetëdijesimit dhe zgjidhjes alternative të kontesteve brenda komunitetit të biznesit.


Përveç kësaj, programi i USAID-it Sistemi për përmbarimin e marrëveshjeve dhe vendimeve do të realizojë edhe aktivitete plotësuese për arsimimin e gjyqtarëve, avokatëve dhe studentëve për zgjidhjen alternative të kontesteve, si pjesë e përpjekjes së përgjithshme për krijimin e mirëkuptimit për respektimin e detyrimeve kontraktuese në Kosovë.

Programi për sistemin e përmbarimit të marrëveshjeve dhe vendimeve (SEAD) i zyrës së USAID-it në Kosovë, është duke punuar ngushtë me OEK-un për të zhvilluar kapacitetin e këtyre institucioneve në mënyrë që të zhvillohet arbitrazhi në përputhje me Ligjin e Arbitrazhit të Kosovës.

Programi SEAD do të futet në një Marrëveshje Mirëkuptimi me OEK duke theksuar kështu edhe marrëdhëniet e bashkëpunimit. 
 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)