Kusari Lila, sot udhëton për në Bruksel
Prishtinë 11 maj - Zv.kryeministrja dhe ministrja e Tregtisë dhe Industrisë, Mimoza Kusari Lila, sot udhëton për në Bruksel. Atje pritet të takohet me komisionarin për Zgjerim dhe Politika të Fqinjësisë, Stefan Fule, si dhe me drejtoreshën e Sekretariatit të CEFTA-s, Reneta Vinez.
Ministrja Kusari Lila gjithashtu do të ketë takim me Laszlo Varkonyi, Drejtor i Përgjithshëm dhe Kryesues i Komisionit për Politika të Tregtisë pranë Këshillit (Presidenca Hungareze).
Në këto takime do të diskutohet për preferencat tregtare te BE-së, CEFTA-n, si dhe çështje tjera që kanë të bëjnë me politikat dhe marrëdhëniet tregtare ndërmjet BE-së dhe Kosovës.
Pas vizitës në Bruksel, zv.kryeminstrja do të vazhdojë në Berlin ku do të ketë takime pune me Ministrinë Federale të Ekonomisë dhe Teknologjisë (MET), si dhe me deputet të Bundestagut Gjerman.
Gjithashtu zv.kryeministrja do të takohet edhe me Dr. Christoph Heusgen, këshilltar për Politikë të Jashtme i Bundeskancelares Merkel.
