27 Mars 2023

EULEX-i njofton Serbinë për kontrollin doganor

Prishtinë, 12 shtator - EULEX-i ka lajmëruar shefin e ekipit negociator serb për bisedime me Prishtinën, Borko Stefanovic, dhe të ashtuquajturin ministër për Kosovën, Goran Bogdanovic, se në veri të Kosovës nuk do të ketë kthim të gjendjes para 25 korrikut dhe se pas 16 shtatorit do të vihet kontrolli doganor.

Sipas këtij plani të EULEX-it aty do të jetë e pranishme edhe Policia dhe Dogana e Kosovës.

“Kjo duhet ndaluar. Nëse ndodh kjo, do të kemi probleme. Qytetarët do të organizojnë rezistencë të qetë qytetare, e cila do të jetë në kornizat e paqes, bashkimit dhe unitetit”, ka thënë Stefanovic për “Blic”.

“Propozimi ynë është që për veriun dhe kalimet të flasim gjatë dialogut. Çdo ditë mundohemi që këtë zhvillim ta pamundësojmë. Nuk kemi asgjë kundër EULEX-it, sepse angazhimi i tyre deri tani nuk ishte problematik, por në qëndrimin e tyre për të vendosur në kufi doganierët kosovarë, të cilët nuk janë rezultat i dialogut”, ka thënë ai.

Sipas planit të EULEX-it dhe pushtetit në Kosovë, dogana do të vendoset vetëm në Bërnjak, ndërsa Jarinja do të jetë e hapur vetëm për transportin publik, meqë pas djegies nuk ka kushte teknike për kontroll të mallrave.

Kalendari

Ngjarjet e datës 27 mars 2023

- Udhëheqës të Komunës së Suharekës bejnë homazhe pranë lapidarit të "Betejës së Semetishtit". (Semetisht, ora 10:00)

 - Udhëheqës të Komunës së Suharekës bejnë homazhe pranë pllakës Përkujtimore në Peqan. (Peqan, ora 10:30)

- Komisioni për Punë të Jashtme dhe Diasporë takohet me Ambasadorin e Suedisë në Kosovë, Jonas Westerlund. (Kuvendi i Kosovës, salla N506, ora 11:00)  

- Në kuadër të edicionit të 13-të, Java e Frankofonisë përurohet hapësira Franceze 'Metro Station Quatre - Septempre'. (Universiteti Ukshin Hoti në Prizren, ora 11:00)

- Udhëheqës të Komunës së Suharekës bejnë homazhe pranë Kompleksin Memorial të Dëshmorëve në Suharekë. (Suharekë, ora 11:00)

- Nën patronatin e kryetarit të Komunës së Suharekës, Bali Muharremaj promovohet libri me titull "Simbol Çlirimtari" kushtuar Heroit të Kombit Milazim Kiqina. (Shtëpia e Fellbahut në Suharekë, ora 12:00)

- Guvernatori i Bankës Qendrore të Kosovës, Fehmi Mehmeti mban konferencë për media. (Ndërtesa e BQK-së, ora 15:00)