31 Mars 2023

Dogana parandalon 13 tentim kontrabande

Prishtinë, 16 korrik - Gjatë javës së fundit  njësitet e doganës, kanë  parandaluar 13  raste të ndryshme të tentim kontrabandimit, nëpër vendkalime te ndryshme kufitare si dhe në brendi të territorit të republikës së Kosovës.

Në rajonin e Mitrovicës ka pasur më së shumti tentim kontrabandimi. Gjatë kësaj jave janë kapur nga njësitë anti-kontrabandë disa raste, kryesisht ishin ato me derivate të naftës ku janë konfiskuar mbi 1000 litra.

Ka pasur tentim të kontrabandimit të produkteve ushqimore të cilat transportoheshin në kushte jo të mira, në këtë rast kanë kontrabandistët kanë tentuar të fusin mallra si Coca-cola, Majonezë, vaj ushqimor, pashteta etj. 

Gjithashtu një rast është kapur një person i cili tentonte të kontrabandonte një sasi të madhe të pijeve jo-alkoolike (sasia 1500 litra). Personat në fjalë kryesisht janë banorë te rajonit Mitrovicës, të komunitetit shqiptarë dhe atij serb.

Oficerët në aeroport kanë ndaluar një tentim kontrabande me tekstil ku një shtetase kosovare e cila tentojë të kontrabandonte tekstil nga Turqia, malli është konfiskuar dhe procedura kundërvajtje ndaj saj është duke u zhvilluar.

Në rajonin e Gjakovës një shtetas nga Shqipëria ka tentuar të eksportonte ilegalisht sasi të perimeve, edhe ky rast i nënshtrohet procedurës së kundërvajtjes. Në Hani Elezit një person tentojë të kontrabandonte pajisje për instalim plinit në veturave, por kjo u parandalua nga oficerët Doganor.

Në të gjitha rastet e zbuluara tentimi ishte i qartë, shmangja e pagesës së taksave. Të gjitha  mallrat janë konfiskuar dhe po i nënshtrohen procedurës për kundërvajtje Doganore, vlera e përafërt e tyre është mbi 5000 euro.             

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)