24 Mars 2023

AKP shet 17 ndërmarrje mbi 13 milionë euro

Prishtinë, 8 shtator - Agjencia Kosovare e Privatizimit (AKP) sot në ceremoninë e hapjes së ofertave të valës 45 të privatizimit, shpalli fituesit e përkohshëm të Ndërmarrjeve të Reja të tenderuar përmes metodës së Spin-off-it të Rregullt. 

Gjithsej 17 Ndërmarrje të Reja ishin në dispozicion për shitje, janë pranuar 69 oferta dhe vlera e tërësishme e ofertave më të larta ishte 13 milionë e 335 mijë e 756 euro.

Zëvendësdrejtoresha e AKP-së, znj. Mrika Tahiri njoftoi se deri më tani janë privatizuar 560 ndërmarrje të reja.

Znj. Tahiri njoftoi gjithashtu se Agjencia ka bërë shpalljen e Valës së veçantë të privatizimit (Vala 45-A), përmes të cilës janë hedhur për shitje 15 ndërmarrje të reja, që ndryshe mund të quhen ndërmarrje të mëdha, atraktive dhe të rëndësishme për ekonominë e vendit, si industri të tekstilit, miniera të boksiteve, fabrika të ndryshme, patundshmëri në lokacione kyqe të qyteteve të Kosovës etj.

“Agjencia pret interesim të madh të investitorëve për këto ndërmarrje të tenderuara, ndërsa ju sigurojmë edhe një herë se, ashtu si edhe deri më tani, procesi do të zhvillohet në mënyrë të hapur dhe transparent para investitorëve dhe opinionit në përgjithësi”, theksoi Zëvendës drejtoresha e AKP-së.

Agjencia Kosovare e Privatizimit tani është duke punuar që të përfundoj të gjitha shitjet, në pritje të vendimit të Bordit të Drejtorëve të AKP-së.

Agjencia Kosovare e Privatizimit, është themeluar nga Kuvendi i Republikës së Kosoves duke pas parasysh se rindërtimi dhe zhvillimi ekonomik i Kosovës dhe mirëqenia e qytetarëve të saj është me rëndësi jetike dhe kërkon administrimin dhe privatizimin ose likuidimin me kohë të ndërmarrjeve në pronësi shoqërore.

Agjencia Kosovare e Privatizimit ushtron funksionet dhe përgjegjësitë që ka në mënyrë plotësisht të pavarur dhe është e shtrirë dhe vepron në të gjithë territorin e Kosovës.

Është me rëndësi të ritheksohet përqendrimi i Agjencisë në përshpejtimin e shpërndarjes së 20% të hyrave për punëtoret e ndërmarrjeve, ku deri më tani nga fondi i privatizimit, punëtorëve të Ndërmarrjeve Shoqërore iu janë shpërndarë mbi 27 milionë e 175 mijë Euro.

Nga privatizimi i këtyre ndërmarrjeve shoqërore deri më tani janë grumbulluar 456,930,761€ ndërkaq nga procesi i likuidimit me shitje të aseteve të ndërmarrjeve janë grumbulluar 22,417,307€.
 

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)