24 Mars 2023

Sindikata edhe njëherë kundërshton shitjen e PTK-së

Prishtinë, 30 mars - Sindikata e pavarur e PTK-së edhe njëherë kundërshton "tendencën  për manipulimin me votën e delegatëve përmes futjes të shitjes të PTK-së së bashku me buxhetin e Kosovës."

Planifikimi në këtë formë i buxhetit është presion i drejtpërdrejtë në deputet që pas votimit të buxhetit, përkundër bindjeve të tyre lidhur me shitjen e PTK-së, të votojnë për shitje të PTK-së.

Milazim Alshiqi kryetar i Sindikatës se Pavruar te punëtorëve të Postë Telekomit të Kosovës ka thënë së SP e PTK-së përmes komunikatës të publikuar në mediat e shkruara më 18 mars sindikata ka paralajmëruar opinionin publik për tendencën që me aprovimin buxhetit të aprovohet edhe shitja e PTK-së, dhe kemi kërkuar që shitja e PTK-së të diskutohet dhe votohet si pikë e veçantë e rendit të ditës në një nga seancat e Kuvendit të Kosovës.

"Parashikimet tona kanë dalë të vërteta pas paraqitjes nga qeveria të projekt ligjit për buxhetin e Kosovës në parlamentin e Kosovës. Deputetët e Kosovës, shumica e tyre me të drejtë kanë propozuar që të hiqet neni 4 nga buxheti i Kosovës sepse me këtë nenë parashihj shitja e  PTK-së", ka thënë Alshiqi.

Në përkrahje të deputetëve SP e PTK-së dhe SPP e PTK-së kanë dalë duke organizuar protestë me kërkesë për kundërshtimin e shitjes të PTK-së dhe largimin e nenit 4 nga projekt ligji i buxhetit të Kosovës.  Në këtë protestë kanë marrë pjesë disa mijëra punëtorë të PTK-së së bashku me sindikalistë nga Shqipëria, sindikatat tjera nga Kosova dhe qytetarë të Kosovës.

"Meqenëse neni 4 nuk është larguar nga Projektligji i Buxhetit të Kosovës ne kemi vendosë të dalim prapë në protestë më 31 03 2011 në ora 10:30 minuta nga ndërtesa kryesore e PTK-së për të kërkuar nga deputetët të mos e votojnë buxhetin e Kosovës pa e larguar nenin 4 nga ky buxhet."

Sindikata ka ftuar të gjithë punëtorët e PTK-së punëtorët e KEK-ut, Trepçës, Sharcemit, si dhe qytetarët e Kosovës të na bashkëngjiten në këtë protestë sepse kërkesat tona kanë të bëjnë me mbrojtjen e vlerave dhe pasurisë të Kosovës.

"Për fatin e pasurive të Kosovës duhet të vendoset në pajtim të plotë të gjitha partive politike dhe sindikatave të Kosovës ose me referendum e kursesi me votën e 31 deputetëve të cilët përfaqësojnë 25% të votuesve në Kosovë gjegjësisht 15% të qytetarëve të moshës mbi 18 vjeç të  Kosovës edhe pse në këto raste vendoset edhe për ardhmërinë fëmijëve të Kosovës."

Sindikata ka kërkuar që të ndalen të gjitha format e presioneve në deputet ashtu që ata që nëpërmes votës të popullit e kanë fitua besimin që ta përfaqësojnë popullin, të shprehin pa presione vullnetin e popullit.

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)