Shkup, 30 gusht - Trenat  e Maqedonisë, në vend të shpejtësisë aktuale prej 50 kilometra në orë, do të arrijnë 100 km në orë pasi që me 17 milion euro do të bëhet riparimi i hekurudhave.

Qeveria vendosi, ndërsa komisioni parlamentar për financim dhe  buxhetin, pranoi që të huazohen të holla nga Banka evropiane për rindërtim dhe zhvillim. Me këtë mjete, për herë të parë pas 43 viteve do të riparohen 55 kilometra nga hekurudha nga pika kufitare Tabanoc deri në  pikën kufitare Bogorodica në  jug të vendit.

“Do të përshpejtohet  bartja e mallrave, përmes këtij korridori kryesor në drejtim të Selanikut, kështu që do të rritet konkurrenca e ndërmarrjeve nga Maqedonia.  Aktivitetet do ta përmirësojnë  gjendjen e hekurudhës të Korridorit 10, do t’i zvogëloj harxhimet  për mirëmbajtjen e tyre dhe do të sigurojnë trafik më të sigurt”, thotë Zoran Stavrevski, ministër i Financave.

Sipas planit, me paratë që do të huazohen nga BERZH në disa pjesë do të ndërrohen binaret e vjetër. Planet për investimin në hekurudha vijnë së bashku me paralajmërimet  se Hekurudhat e Maqedonisë do të marrin pjesë në Ndërmarrjen e hekurudhave rajonalen që muajin e kaluar e  kanë formuar Sllovenia, Serbia dhe Kroacia.