26 Mars 2023

Dëmtime në autostraden Kukës-Morinë

Kukës, 3 prill -  Traseja e autostradës Kukës-Morinë është kthyer në një arenë dëmtimesh dhe abuzimesh. Ditët e fundit janë shtuar së tepërmi rastet e dëmtimeve në të, të cilat konsistojnë në plasaritjen e rrugës apo hedhjen e gurëve dhe krijimin e rrugëve provizore.

Pothuajse në të gjithë gjatësinë e këtij aksi prej afro 22 km, evidentohen carje të trasesë apo hyrje daljet e reja nga Kukësi në Morinë të cilat janë ndërtuar pa asnjë leje apo kusht të përcaktuar.

Bordurat anësore që tregojnë kufirin e rrugës me drita fosforeshente janë dëmtuar gati plotësisht. Nga Kukësi deri në Morinë, gjithë segmenti i autostradës i përfunduar që në verën e shkuar dhe i padorëzuar ende është kthyer thuajse në një rrugë rurale.

Veç kësaj, dhjetëra metra kub kanë rënë në rrugë për shkak të rrëshqitjes nga skrapatat e ngritura karshi trashesë.

Banorë të fshatrave përreth autostradës , në mungesë të mbikalimeve kanë hapur privatisht dhe kalime të paligjshme në këtë segment. Këto kalime vijojnë të shtohen nga dita në ditë pa patur presionin e asnjë institucioni.

Banorët e zonave duket se e shohin këtë fenomen si rrugëzgjidhje të halleve të tyre pasi sic thonë ata, kur është ndërtuar rruga kompanitë apo projektuesit nuk kanë lënë një rrugë lidhëse me fshatrat.

Kalendari

Ngjarjet e datës 26 mars 2023

- Kryeministri i Kosovës, Albin Kurti, bën homazhe në Krushë të Madhe dhe në Krushë të Vogël. (Krushë e Madhe, ora 8:00)

- Presidentja e Republikës së Kosovës, Vjosa Osmani bën homazhe në Kompleksin Memorial të dëshmorëve dhe të martirëve në fshatin Krushë e Madhe. (Krushë e Madhe, ora 11:00)

- Aleanca për Ardhmërinë e Kosovës mban konferencë për media. (Holli i Kuvendit të Republikës së Kosovës, ora 12:00)