24 Mars 2023

Prezantohet Samsung Galaxy Tab A8 i ri

Seul, 17 dhjetor - Samsung Electronics njoftoi publikimin e Galaxy Tab A8 të ri, pajisjen më efektive dhe më të fuqishme të Serisë Tab A deri më tani.

Galaxy Tab A8 sjell fuqi dhe performancë mbresëlënëse në një dizajn të hollë dhe të lehtë.  Është një përvojë tërheqëse portative që përputhet me stilin e jetës dhe buxhetin e përdoruesve dhe sinkronizohet pa problem me pajisjet e tjera Galaxy.

“Në një botë ku puna dhe mësimi online janë kthyer në një normë , tabletët janë bërë një pajisje e domosdoshme për shumë njerëz”, tha Matthew Leem, Zëvendës President i Grupit Global të Marketingut të Markave, në Samsung Electronics.

“Ata janë mjeti i përsosur për të përfituar më shumë nga aktivitetet tona online si në shtëpi ashtu edhe në lëvizje. Ne e dimë se njerëzit po i drejtohen gjithnjë e më shumë tabletëve për video call, klasa online dhe lojëra, kështu që ne e pajisëm Galaxy Tab A8 me veçori të reja të shkëlqyera për t'ju ndihmuar të lidheni në një nivel të ri."

Gjithçka që dëshironi të shihni dhe të bëni është përmirësuar

Eksperienca e Galaxy Tab A8 fillon me dizajnin dhe ndjesinë e tabletëve Samsung, të dashur nga përdoruesit e serisë Tab S. Ka një ekran të zgjeruar 10,5 inç, me një kornizë jashtëzakonisht të hollë dhe një raport të përbashkët pamjeje 16:10.

Rezultati është një raport 80% i ekranit ndaj trupit, i cili mundëson një përvojë shikimi shumë më gjithëpërfshirëse sesa modelet e mëparshme të tabletave.

Pavarësisht nëse përdoruesit janë duke ndjekur shfaqjen e preferuar, duke luajtur lojëra me miqtë ose duke biseduar me familjen në video calls, altoparlanti me Dolby Atmos® ofron një efekt zanor të pasur, të thellë dhe plot detaje.

Me Samsung TV Plus dhe më shumë se 200 kanale falas, përdoruesit e Galaxy Tab A8 mund të shijojnë argëtim live dhe on-demand.   

Dhe për përdoruesit e rinj, Galaxy Tab A8 vjen me dy muaj YouTube Premium pa reklama, në mënyrë që të mund të shikoni videot tuaja të preferuara pa ndërprerje, në sfond dhe offline.

Përtej ekranit të tij të jashtëzakonshëm, fshihet një performancë e përmirësuar. CPU dhe GPU e Galaxy Tab A8 janë rritur secila me 10% për të ofruar performancë më të shpejtë dhe më të qetë pa vonesa.

Plus, Galaxy Tab A8 ofron disa nivele opsionesh ruajtjeje, kështu që përdoruesit mund të zgjedhin atë që është e duhura për ta.

Zgjidhni nga 32 GB ose 64 GB. Përfitoni nga veçoria e kartës microSD për të marrë deri në 1 TB hapësirë.  

Galaxy Tab A8 do të jetë i disponueshëm edhe me 3 GB RAM.   Një bateri 7,040mAh me karikim të shpejtë deri në 15 W, që do të thotë që përdoruesit mund të transmetojnë për orë të tëra, pa u shqetësuar për konsumin e baterisë.

Një galaksi komoditeti dhe mbrojtjeje

Galaxy Tab A8 ofron një përvojë argëtuese dhe produktive të përmirësuar nga ekosistemi i hapur i pajisjeve dhe partnerëve të Galaxy.

Dy vitet e fundit kanë dëshmuar se tabletët mund të jenë një rrugë drejt përvojave më të mira - si për të punuar ashtu edhe për të luajtur.

Galaxy Tab A8 ofron përmbajtje të fuqishme edukative dhe kontrolle të përshtatshme prindërore që e bëjnë të lehtë për prindërit t'u ofrojnë fëmijëve të tyre një mjedis mësimi të sigurt dhe tërheqës.

Përdoruesit mund të përcaktojnë objektivat e kohës që shpemzojnë para ekranit dhe të ndjekin progresin e tyre gjatë javës.

Fëmijët mund të shijojnë gjithashtu një përvojë argëtuese dhe të personalizuar në tablet, falë partneriteteve të Samsung me partnerët globalë të përmbajtjes dhe aftësisë për të personalizuar ekranin bazë me ikona lozonjare dhe skema ngjyrash.

Për të kryer  disa detyra njëkohësisht, mund të ndani ekranin tuaj dhe të përdorni dy aplikacione krah për krah, madje të shtoni edhe një dritare pop-up, me Multi-Active Window.

Nëse jeni në një leksion, njëkohësisht mund të bisedoni me shokët e klasës, të mbani shënime dhe të shikoni një prezantim.

Dhe kur navigoni në internet, thjesht tërhiqni një lidhje nga dritarja juaj aktuale anash për të krijuar një ekran të ndarë. Veçoria Drag & Split hap automatikisht një dritare të dytë për shfletim më dinamik të faqeve në internet.

Me kamerën e pasme 8MP të Galaxy Tab A8, kamerën e përparme 5MP dhe veçorinë krejt të re të Screen Recorder, studentët, mësuesit, madje edhe lojtarët nuk do humbasin kurrë asgjë. Ju mund të regjistroni video të qarta dhe të detajuara të mësimeve ose leksioneve.

Gjithashtu, kjo veçori ju lejon të regjistroni veten duke mbajtur shënime, ndërsa theksoni pikat kryesore ose shkruani në ekran, për të përputhur atë që thoni me atë që shihni.

 Kjo ju ndihmon të përqendroheni më mirë dhe të kuptoni shënimet tuaja. Dhe kur të jeni gati për të kaluar nga Galaxy Tab A8 në smartphone Galaxy, shpërndani tekste, një faqe web, imazhe, dhe më shumë midis pajisjeve, me një copy&paste të shpejtë.


 

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)