24 Mars 2023

Microsoft dhe Alphabet shënojnë rritje të të ardhurave

New York, 28 prill - Microsoft dhe kompania amë e Google-it, Alphabet, shënuan rritje të të ardhurave në tremujorin e parë, sipas rezultateve financiare.

Fitimet ose të ardhurat neto të Microsoft-it u rritën në 15,4 miliardë dollarë në periudhën janar-mars, duke kërcyer me 43,9 për qind nga 10,7 miliardë dollarë të regjistruar gjatë së njëjtës periudhë të vitit të kaluar.

Të ardhurat totale u rritën me 19,1 për qind në 41,7 miliardë dollarë, nga 35 miliardë dollarë.

"Për më shumë se një vit në pandemi, lakoret e adoptimit digjital nuk po ngadalësohen. Ato po përshpejtohen dhe ky është vetëm fillimi", tha shefi ekzekutiv (CEO) i Microsoft-it, Satya Nadella, në një deklaratë të martën.

Amy Hood, nënkryetarja ekzekutive dhe zyrtarja kryesore financiare e Microsoft-it, vuri në dukje se Microsoft Cloud gjeneroi 17,7 miliard dollarë të ardhura tregtare, me 33 për qind rritje nga viti në vit.

Alphabet gjithashtu tha se shërbimi i tij Cloud, Google Cloud, kishte të ardhura prej 4 miliardë dollarësh.

Të ardhurat totale të kompanisë u rritën me 34,5 për qind në 55,3 miliardë dollarë, nga 41,1 miliardë dollarë.

Të ardhurat neto u rritën me 163 për qind në 17,9 miliardë dollarë nga 6,8 miliardë dollarë gjatë kësaj periudhe.

"Gjatë vitit të fundit, njerëzit janë drejtuar te Google Search dhe shumë shërbime në internet për të qenë të informuar, të lidhur dhe argëtuar", tha në një deklaratë Sundar Pichai, shefi ekzekutiv i Google-it dhe Alphabet-it.

Ruth Porat, shefja financiare (CFO) e Google-it dhe Alphabet-it, tha se 55,3 miliardë dollarë të ardhura "pasqyrojnë aktivitetin e rritur të konsumatorit në internet dhe rritjen e gjerë të të ardhurave nga reklamuesit". 

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)