29 Mars 2023

Luftë e hapur mes Google dhe Apple

SHBA, 9 shkurt - Siç duket po shpallet luftë e hapur mes Google dhe Apple. Dalja në treg e telefonit Google Nexus One duket se ka irrituar shefin ekzekutiv të Apple Steve Jobs, i cili raportohet se u ka thënë punëtorëve të kompanisë së tij se gjiganti kërkues, Google është futur në biznesin e celularëve vetëm e vetëm që të zbehë iPhone.

Jobs, i cili së fundi prezantoi iPad-in, që pati një pritje të ngrohtë nga adhuruesit dhe kritikët gjatë javës së kaluar, u tha para punëtorëve në Cupertino, duke thënë se maska e famshme e Google për miqësi ndaj konsumatorit, nuk është asgjë tjetër pos një gënjeshtër e madhe.

Një punëtor i kompanisë Apple emri i të cilit nuk u bë i ditur dhe që ishte i pranishëm gjatë bisedës së gjatë, deklaroi për revistën Wired fjalët që tha Jobs: \"Ne nuk jemi futur në biznesin kërkues, ata u futën në biznesin e celularëve. Mos u gaboni, ata dëshirojnë të vrasin iPhone-in. Ne nuk do t\'i lejojmë\".

Shpërthimi i raportuar nuk do të bëjë asgjë për të ngrohur marrëdhëniet e ftohta midis dy kompanive, rritja e pandalshme e të cilave në dominim global, në tregjet e tyre përkatëse ka ardhur si rezultat i punës së përbashkët. Një seri e përplasjeve të nivelit të lartë në territore ka shtyrë parashikime rreth një fundi të marrëdhënieve miqësore mes këtyre dy fuqive.

Jobs gjithashtu duket se nuk ka hezituar të shfryhet edhe ndaj Adobe. Ai thuhet se deklaroi për forumin e kompanisë se iPhone (dhe tani iPad) do të punojnë pa Flash për shkak se Adobe është dembel dhe refuzon të futet në bord me çfarëdo që bën Apple. Ai gjithashtu tha se e vetmja arsye pse MacBook-ët bllokohen është për shkak të FlashPlayer, duke shtuar se arritjen e standardit HTML5, askush nuk do të përdor Flash.

Kalendari

Ngjarjet e datës 29 mars 2023

- Komisioni për Ekonomi, Industri, Ndërmarrësi dhe Tregti shqyrton ndryshimin dhe plotësimin e Ligjit për mbrojtjen e konsumatorit. (Kuvendi i Kosovës, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Kuvendi, salla N302, ora 10:00)

- Qendra e Kosovës për Eksport organizon ngjarjen “Rritja e eksportit përmes platformës KoEx”. (Hotel Sirius, ora  10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive. (Kuvendi, salla N10, ora 11:00)

- Komisioni për të Drejtat dhe Interesat e Komuniteteve dhe Kthim shqyrton Projektligjin për Prokurorin e Shtetit si dhe ndryshimin dhe plotësimin e Ligjit për trajtimin e ndërtimeve pa leje. (Kuvendi, salla N303, ora 11:00)

- Promovohet romani “Duke ndjekur fluturat” i autores Hana Hoxha, i cili ka si fabulë edukimin e nxënësve/fëmijëve për rolin e policisë në sigurinë e tyre. (Biblioteka Kombëtare, ora 12:00)

- Bëhet inaugurimi i punëtorisë së Floktarisë në Qendrën e Kompetencës “Shtjefën Gjeçovi”, e cila do të shërbejë për zbatimin e mësimit dual ku merr pjesë edhe ministrja e Arsimit, Arbërie Nagavci. (Shtjefën Gjeçovi në Prishtinë, ora 13:00)