24 Mars 2023

Kina lanson një satelit të ri të parashikimit të motit

Pekin, 5 korrik - Kina sot lansoi satelitin e saj të ri Fengyun-3E për parashikimin e motit në hapësirë, njoftoi media shtetërore.

Sateliti është i pajisur me 11 sensorë nga distanca të cilat pritet të "përmirësojnë saktësinë e parashikimit të motit", sipas agjencisë së lajmeve Xinhua. Ai u lançua nga Qendra e Lançimit të Satelitëve Jiuquan në shkretëtirën Gobi të Kinës veriperëndimore.

Administrata Kombëtare Hapësinore e Kinës (CNSA) tha se sateliti meteorologjik "është projektuar me një jetëgjatësi prej tetë vjetësh dhe kryesisht do të matë temperaturën atmosferike, lagështinë dhe parametrat e tjerë meteorologjikë për aplikimet parashikuese numerike, duke përmirësuar kapacitetin e parashikimit të motit të Kinës".

Me futjen në përdorim të këtij sateliti të ri, autoritetet kineze të hapësirës do të jenë në gjendje të monitorojnë dhe raportojnë mbulimin global të borës dhe akullit, temperaturën e sipërfaqes së detit, katastrofat natyrore dhe ekologjinë "për t'iu përgjigjur më mirë ndryshimeve klimatike dhe për të parandaluar dhe zbutur katastrofat meteorologjike".

"Sateliti do të monitorojë mjediset diellore dhe hapësinore dhe efektet e tyre, si dhe të dhënat jonosferike për të përmbushur nevojat e parashikimeve të motit hapësinor dhe shërbimeve mbështetëse”, shtoi CNSA.

Ndërkohë, tre astronautë kinezë të dielën përfunduan "të gjitha detyrat për aktivitetet e tyre të para jashtë anijes kozmike në hapësirë".

Kina dërgoi astronautët në hapësirë në bordin e anijes kozmike Shenzhou-12 më 17 qershor.

Dy nga tre astronautët kishin dalë nga moduli kryesor Tianhe i stacionit hapësinor të Kinës të dielën, tha Agjencia Kineze Hapësinore.

Ata instaluan mbajtëset e këmbëve dhe platformat e punës jashtë anijes kozmike në krahun mekanik për rreth shtatë orë.

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)