24 Mars 2023

Japonia e quan Kinën, Rusinë dhe Korenë e Veriut si kërcënime të sulmeve kibernetike

Tokio, 28 shtator - Qeveria e Japonisë ka miratuar një draft të strategjisë për sigurinë kibernetike, duke i quajtur Kinën, Rusinë dhe Korenë e Veriut si "kërcënime të sulmeve kibernetike".

Shefi i Sekretarit të Kabinetit, Katsunobu Kato vlerësoi draftin gjithëpërfshirës që mbulon 3 vitet e ardhshme në Qendrën kombëtare për strategjinë e sigurisë kibernetike (NISC) dhe përgatitjen e situatave.

Duke i kërkuar NISC të bashkëpunojë me administratat vendore në këtë fushë, Kato bëri thirrje për zbatimin e qëndrueshëm të masave në strategji dhe për të fituar besimin e publikut.

Kato tha se morën parasysh mundësitë e sulmeve kibernetike në Lojërat Olimpike të Tokios 2020 dhe se me masat e marra nuk kishte sulme që "do të ndikonin në turne".

Sipas agjencisë Kyodo, strategjia e miratuar theksoi se për herë të parë, qeveria japoneze i konsideron fqinjët e saj Kinën, Rusinë dhe Korenë e Veriut si "kërcënime të sulmeve kibernetike".

Quad dhe ASEAN

Më tej thuhet se në strategji këto tre vende ishin të dyshuara për "përfshirje në aktivitete kibernetike armiqësore" dhe se "hapësira kibernetike po përparon me shpejtësi drejt fazës kritike".

Ndërkaq raportohet se Japonia do të përdorë "kundërmasa të forta me metoda dhe kapacitete efektive", përfshirë ndërhyrjen diplomatike dhe ndjekjet penale kundër aktiviteteve të mundshme.

Gjithashtu tërhiqet vëmendje për rëndësinë e garantimit të sigurisë së infrastrukturave kritike siç janë kabllot nëndetëse kundër rreziqeve të eliminimit të aktiviteteve ekonomike.

Si një nga premtimet e qeverisë, theksohet gjithashtu rëndësia e Agjencisë së Digjitalizimit, e cila u vu në shërbim në fillim të muajit në kuadër të digjitalizimit të shërbimeve publike.

Sipas strategjisë, Japonia do të rrisë bashkëpunimin e saj në fushën e sigurisë kibernetike me partnerët e saj në aleancën Quad, me SHBA-në, Indinë dhe Australinë.

Nga ana tjetër, do të bëhet bashkëpunim me vendet e Asociacionit të Kombeve të Azisë Juglindore (ASEAN) për të realizuar vizionin e Indo-Paqësorit të lirë dhe të hapur.

Plani i ri i strategjisë, i cili pritet të zëvendësojë planin ekzistues të miratuar në korrik 2018, pritet të hyjë në fuqi pas miratimit të kabinetit.

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)