Londër, 21 janar - Tottenham Hotspur zgjati kontratën e portierit francez Hugo Lloris deri në vitin 2024, njoftoi klubi i futbollit i Premierligës angleze.

“Ndihem shumë i lumtur, pa dyshim për mua, por edhe për familjen time, që zgjata qëndrimin tim në Londër dhe te Spurs për dy vitet e ardhshme... Ndiej se është një privilegj të luaj futboll për një klub kaq të madh si Spurs”, ka thënë kapiteni Lloris, sipas faqes zyrtare të klubit.

Lloris, 35 vjeç, është lojtari që ka bërë më shumë paraqitje në Premierligë për Tottenham-in me 317 ndeshje.

Ai është gjithashtu lojtari i dytë francez me më shumë paraqitje me 136 ndeshje, pas mbrojtësit legjendar Lilian Thuram, i cili ka 142 paraqitje për Francën.

Lloris mban gjithashtu rekordin për më shumë ndeshje si kapiten me Francën, me 108.

Ai fitoi Kupën e Botës FIFA 2018 dhe Ligën e Kombeve UEFA 2021 me kombëtaren franceze.