22 Mars 2023

Serena Williams tërheqet nga turneu i Wimbledon

Wimbledon, 30 qershor - Tenistja e famshme Serena Williams u tërhoq nga turneu i sivjetmë në Wimbledon për shkak të një lëndimi në kyçin e këmbës.

"Ne jemi të pikëlluar për ty, Serena. Kampioni ynë i shtatëfishtë në kategorinë tek detyrohet të tërhiqet nga Kampionati 2021 për shkak të lëndimit", thuhet në një postim nga Wimbledon në Twitter.

39-vjeçarja Williams pësoi lëndim në ndeshjen kundër kundërshtares së saj nga Bjellorusia, Aliaksandra Sasnovich.

Williams shpërtheu në lot teksa adhuruesit e tenisit e duartrokisnin dhe brohorisnin për të, ndërsa ajo po dilte nga fusha për të marrë trajtim.

Ajo u tërhoq nga kampionati kur rezultati ishte 3-3 pas 34 minutash lojë në "All England Club".

27-vjeçarja Sasnovich automatikisht u kualifikua në raundin e dytë.

Williams, një prej tenisteve më të mira të të gjitha kohërave, fitoi 23 tituj Grand Slam.

Ajo ka shtatë tituj në Wimbledon, ndërsa për herë të fundit fitoi në vitin 2016.

Kalendari

Ngjarjet e datës 22 mars 2023

- Asociacioni i Qendrave për Punë Sociale dhe Departamenti Punë Sociale, Universiteti i Prishtinës “Hasan Prishtina” organizon ditën e dytë të konferencës se dytë Nacionale për shënimin e Ditës Botërore të Punës Sociale. (Fakulteti Filozofik i Universitetit të Prishtinës, ora 9:30)

- Administrata Tatimore e Kosovës në bashkëpunim me Iniciativën Kosovare për Stabilitet organizojnë panel diskutimi me temë “Formalizimi i punësimit”. (Biblioteka Kombëtare, ora 10:00)

- Ministria e Mjedisit, Planifikimit Hapësinor dhe Infrastrukturës organizon takim publik për hartimin e Koncept Dokumentit të Fushës së Ujërave. (Hotel Garden, ora 10:00)

- Ideatorët e platformës "Liria ka emër", Eliza Hoxha dhe Ismail Tasholli, do të vizitojnë Organizatat e dala nga lufta të UÇK-së. (Zyrat e Organizatave të dala nga lufta të UÇK-së, ora 11:00)

- Presidentja e Kosovës, Vjosa Osmani, dhe ministri i Shëndetësisë, Arben Vitia, vizitojnë Klinikën e Gjinekologjisë në QKUK, ku planifikohet të fillojnë shërbimet për Fertilizim të Asistuar Mjekësor (FAM) në shërbimin publik. (Klinika Gjinekologjike në QKUK, ora 11:00)

- Myftiu i Kosovës, Naim Tërnava, jep mesazhin me rastin e fillimit të muajit të Ramazanit. (Selia e BIK-ut, ora 11:00)

 - Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)

- Në shënimin e Javës Ndërkombëtare e Parasë, Shoqata e Bankave të Kosovës zhvillon një vizitë në shkollën "Thimi Mitko" në Gjilan. (Gjilan, ora 13:30)

- Instituti Demokratik i Kosovës në bashkëpunim me Transparency International organizon tryezën e diskutimit “Buxhetimi gjinor në kuadër të partive politike në Kosovë”, një diskutim i përbashkët mes kryetareve të forumeve të grave të partive kryesore në vend, trupave menaxhuese zgjedhore, shoqërisë civile dhe korit diplomatik në vend. (Hotel Sirius, ora 14:00)