31 Mars 2023

Hamza mbështet kampionin e Evropës në atletikë Muhamet Ramadani

Mitrovicë, 16 dhjetor - Kryetari i komunës, Bedri Hamza, sot ka pritur në takim kryetarin e Federatës së Atletikës së Kosovës, Halil Sylejmani, i cili ishte i shoqëruar nga talenti i atletikës nga Mitrovica, Muhamet Ramadani, si dhe trajnerët e klubit të atletikës “Mitrovica”, Shaban Ramadani dhe Xhavit Tahiri.

Fillimisht kryetari Hamza, ka përgëzuar sportistin mitrovicas, kampion i Evropës në atletikë, Muhamet Ramadanin, për sukseset e arritura në arenën ndërkombëtare për hedhje të gjylës, duke e uruar atë për suksese tjera edhe në të ardhmen në këtë disiplinë sportive.

Kryetari Bedri Hamza, ofroi mbështetjen e tij të plotë dhe siguroi ata që sporti në Mitrovicë do të jetë prioritet për komunën, pasi që është interes i përbashkët investimi për klubet dhe të rinjtë e qytetit.

Ai gjithashtu tha se komuna brenda mundësive reale do t’i përkrah dhe do të jap maksimumin për kampionin Muhametin, si dhe të gjithë sportistët dhe klubet tjera sportive.

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)