20 Mars 2023

Chelsea i ofron rinovimin portierit, Mendy ofendohet dhe refuzon

Londër, 22 dhjetor - Drejtuesit e Chelsea-t kërkojnë të rinovojnë kontratën e portierit Edouard Mendy, teksa kontrata aktuale e senegalezit përfundon në vitin 2025.

Mirëpo, tentativa e parë e klubit për një kontratë të re gjashtëvjeçare nuk shkoi sipas pritshmërive me Mendyn që refuzoi ofertën pasi u ndje i ofenduar nga fakti që drejtuesit nuk i kishin rritur pagën sezonale.

Aktualisht, 30-vjeçari përfiton 100.000 paund në javë, ndërsa për të rinovuar pretendon të paktën dyfishin për të qenë në një nivel me portierin tjetër të londinezëve, Kepa Arrizabalaga.

Mendy që u transferua te Chelsea në vitin 2020 nga Rennes për shifrën e 22 milionë eurove, këtë sezon e nisi si titullar, por në vijim Kepa ia mori vendin dhe tashmë me refuzimin e kontratës së re, te Chelsea mund të mendojnë edhe ta largojnë nga skuadra.

Aktualisht për Mendy ka interes dhe në merkaton e ardhshme mund të mbërrijnë oferta nga Milan, Nice dhe Monaco.

Kalendari

Ngjarjet e datës 20 mars 2023 - Qendra Kosovare për Studime Gjinore organizon konferencën “Konventa e Stambollit: Forcimi i zbatimit në përfundimin e dhunës ndaj grave, dhunës në familje dhe dhunës në baza gjinore”. (Hotel Emerald, ora 9:30)

- Shoqata e Bankave të Kosovës organzon shënimin e Javës Ndërkombëtare e Parasë. (Shkolla "Elena Gjika" në Prishtinë, ora 10:00)

- Mbahet konferenca e parë për prezantimin e monitorimit të Strategjisë së Ujërave për Kosovën 2017-2036 dhe prezantimin e propozimit të Politikave për Menaxhimin e Territorit Rreth Resurseve Ujore në Kosovë. (Hotel Sirius, ora 10:00)

- Përzgjedhësi i Kombëtares së Kosovës, Alain Giresse do të mbajë konferenca për media në nismë të grumbullimit për dy ndeshjet kualifikuese për Euro 2024 kundër Izraelit dhe Andorrës. (Hotel Emerald, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C301, ora 11:00)

- Shoqata 'Flaka e Llapit' mbajnë konferencë akademi përkujtimore me rastin e trevjetorit të ndarjes nga jeta të Rifat Blakut. (Salla e teatrit 'Avdush Hasnai' në Podujevë, ora 13:30)

- Kombëtarja e Kosovës fillon edhe përgatitjet për këto dy ndeshje. (Kampi Nacional në Hajvali, ora 16:00)

- Në kuadërt të edicionit XXIII i Javës së Frankofonisë në Kosovë organzohet aktiviteti 'Street Art, Balkan Trafic', krijim nga dy artistë franko-belgë. (Rr. Sylejman Vokshi, 66 në Prishtinë, ora 16:30)