31 Maj 2023

Anhel Di Maria largohet nga Juventusi

Torino, 14 maj - Pas një pjese të parë të vitit të kushtëzuar nga probleme të ndryshme fizike dhe ndoshta edhe psikologjike nga mendimi për Botërorin, në muajt e parë të 2023 kemi parë Anhell Di Maria-n në formë të shkëlqyer, i cili në momentin më të vështirë ka marrë për dore Juventus-in me gola dhe asiste.

Pranvera riktheu një Di Maria jo brilant, madje nervoz, të kushtëzuar nga një fazë disi e ngjashme e skuadrës së Allegrit dhe të paaftë për të bërë diferencën. Paraqitjet e fundit kanë shkaktuar mjaft debat. Është rihapur edhe debati për të ardhmen e tij. Juventus-i dëshiron të mbajë Di Maria-n, por gjithçka është e hapur për rinovimin e kontratës, siç thuhet nga Calciomercato.it.

Marrëdhëniet mes palëve janë të shkëlqyera, por ka disa dyshime. Ne duhet të kuptojmë se cilat do të jenë perspektivat e klubit dhe nëse vetë klubi do të shohë te Di Maria vullnetin për të qëndruar. Prandaj nuk është për t’u habitur që ka dyshime për qëndrimin e tij në Torino dhe rrjedhimisht thashetheme të reja për të ardhmen e tij.

Pretenduesit për një lojtar të tillë, siç e dimë, sigurisht që nuk mungojnë. Sipas “Sport Mediaset”, Barcelona, ​​e cila tashmë e kishte ndjekur verën e kaluar, po mendon të rikthehet tek ai. Para se të kthehej në Argjentinë te “Rosario Central”, skuadër që ai e ka treguar gjithmonë si destinacionin e fundit përpara se të mbyllë karrierën e tij, Anhel DI Maria, mund të dëshirojë një aventurë të fundit të madhe në një klub europian.

Kalendari

Ngjarjet e datës 31 maj 2023

- Zyra Rajonale për Bashkëpunim Rinor RYCO në partneritet me Asociacionin e Gazetarëve të Kosovës dhe Deutsche Welle, mbajnë konferencën përmbyllëse të ciklit të dytë të programit “Transmetuesit e Paqes: Fuqizimi i gazetarëve të rinj si raportues të paqes”. (Salla e Konferencave “Orion”, ora 9:30)

- Komisioni për Shëndetësi dhe Mirëqenie Sociale shqyrton Projektëligjin për parandalimin dhe kontrollin e sëmundjeve ngjitëse. (Ndërtesa e Kuvendit, salla N303, ora 10:00)

- Instituti Kombëtar i Shëndetësisë Publike shënon Ditën Botërore pa Duhan me moton “Ne kemi nevojë për ushqim, jo për duhan”. (Ndërtesa e Institutit, ora 10:00)

- Kompania Rajonale e Ujësjellësit “Prishtina” do të ndërmarrë aksion për shkyçje në tri objekte banesore në Prishtinë. (Nisja e organizuar nga objekti i KRU “Prishtina”, Emshir, ora 10:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla salla C 301, ora 11:00)

- Ministrja e Drejtësisë, Albulena Haxhiu, raporton në Komisionin për Integrim Evropian. (Ndërtesa e Kuvendit, salla N302, ora 11:00)

- Komisioni për Mbikëqyrjen e Financave Publike shqyrton Raportin e auditimit për pasqyrat vjetore financiare, të Institucionit të Avokatit të Popullit për vitin 2022. (Ndërtesa e Kuvendit, salla N302, ora 11:30)

- Promovohet libri "E vërteta e aktorit" e autorit Naim Berisha. (Amfiteatri i Bibliotekes Kombëtare, ora 12:00)

- Kryetari i Lidhjes Demokratike të Kosovës, Lumir Abdixhiku, mban konferencë për medie lidhur me situatën aktuale në veri. (Selia e LDK-së te Qafa, ora 13:30)