31 Mars 2023

Pas më shumë se 22 viteve, mbi 1600 persona ende janë të zhdukur në Kosovë

Prishtinë, 30 gusht - Më shumë se 22 vjet pas lufte në Kosovë, familjet e mbi 1600 personave të zhdukur janë ende në kërkim të të dashurve të tyre.

Pas çdo personi të zhdukur qëndrojnë familje që vuajnë nga ankthi dhe mosdija për fatin e të dashurve të tyre dhe që përballen me pasojat e shumta të kësaj në jetën e tyre. Për çdo person të zhdukur, ka njerëz të panumërt të cilëve ata u mungojnë.

Për t’i nderuar familjet e personave të zhdukur, Komiteti Ndërkombëtar i Kryqit të Kuq (KNKK) këtë vit ka bashkëpunuar me komunitetin artistik të Kosovës për ta prodhuar një dokumentar ku rrëfehen historitë dhe përshkruhet jeta aktuale e tri familjeve me përkatësi të ndryshme etnike, anëtarët e të cilave janë zhdukur.

Në Ditën Ndërkombëtare të të Zhdukurve, Shefi i Misionit të KNKK-së në Kosovë, z. Agim Gashi, tha: “KNKK i çmon përpjekjet e bëra nga autoritetet në gërmimin e disa varrezave të supozuara në kërkim të eshtrave të njerëzve të zhdukur dhe i inkurajon ato që ta përshpejtojnë procesin aty ku është e mundur.

 Bashkëpunimi me të gjithë akterët e përfshirë është kyç për arritjen e rezultateve. Si në të kaluarën, ashtu edhe këtë vit, i bëjmë thirrje shoqërisë në përgjithësi dhe autoriteteve që të mendojnë sërish se çfarë mund të bëjnë më shumë për t’u ndihmuar familjeve të personave të zhdukur”.

Sipas së drejtës ndërkombëtare humanitare, familjet e personave të zhdukur kanë të drejtë të dinë se çfarë ka ndodhur me të dashurit e tyre, ndërsa autoritetet e kanë për detyrë që t'u ofrojnë përgjigje dhe mbështetje.

Si përherë, KNKK është e gatshme t’i mbështesë autoritetet në përmbushjen e obligimeve të tyre ligjore në këtë drejtim dhe kërkon nga to që çështjen ekskluzivisht humanitare të personave të zhdukur ta vënë në plan të parë.

Megjithatë, është mbështetja dhe bashkëndjesia e shoqërisë ajo që është tejet e rëndësishme për t’u ndihmuar familjarëve të personave të zhdukur që ta përballojnë dhimbjen.

Prandaj, është momenti i fundit që kushdo që mund të ketë informata që mund të çojnë në zgjidhjen e cilitdo rast të ndonjë personi të zhdukur që t’i ofrojë ato. Koha nuk e shëron agoninë e familjeve të të zhdukurve, por vetëm përgjigjet.

 

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)