22 Mars 2023

Rikthehen shërbimet shëndetësore në QMF Dardania

Gjilan, 15 dhjetor - Në orët e mbrëmjes së të martës, kryetari i Gjilanit, Alban Hyseni, ka vizituar Qendrën e Mjekësisë Familjare Dardania, ku ka konfirmuar se problemi i trafostacionit tashmë është zgjidhur dhe ekipet mjekësore kanë filluar punën e rregullt aty.

“Në këtë kohë të vështirë, të gjithë qytetarët që kanë nevojë për shërbime mjekësore e sidomos në këtë kohë të gripit sezonal, mund të marrin shërbime mjekësore."

"Është mirë që tashti janë shtuar edhe dhomat e kontrollit e që në katin e parë janë dy të tilla dhe se ka një dhomë të veçantë për fëmijë”, ka thënë kryetari Hyseni, në një konferencë për media të orës 20:00, që ka shtuar se edhe ai vetë kishte sjellë vajzën e tij për kontroll në këtë qendër.

Sipas Hyenit, numri i të sëmurëve me grip sezonal është rritur tej mase, por ai beson do të arrihet që të tejkalohet edhe kjo gjendje.

Drejtoresha e QKMF-së, Arbenita Hajdari, ka falënderuar kryetarin Hyseni për angazhimin dhe ka shtuar se këtu ofrohet një numër i madh i shërbimeve, duke nisur nga vaksinimi anti-COVID, vaksinimi i zakonshëm, ndihma e shpejtë e shërbimet të tjera.

Ajo ka shtuar se falë punës së punëtorëve të KEDS-it dhe të kryetarit të komunës, qendra është rikthyer dhe po jep shërbime shëndetësore për nevojat e qytetarëve.

Kalendari

Ngjarjet e datës 22 mars 2023

- Asociacioni i Qendrave për Punë Sociale dhe Departamenti Punë Sociale, Universiteti i Prishtinës “Hasan Prishtina” organizon ditën e dytë të konferencës se dytë Nacionale për shënimin e Ditës Botërore të Punës Sociale. (Fakulteti Filozofik i Universitetit të Prishtinës, ora 9:30)

- Administrata Tatimore e Kosovës në bashkëpunim me Iniciativën Kosovare për Stabilitet organizojnë panel diskutimi me temë “Formalizimi i punësimit”. (Biblioteka Kombëtare, ora 10:00)

- Ministria e Mjedisit, Planifikimit Hapësinor dhe Infrastrukturës organizon takim publik për hartimin e Koncept Dokumentit të Fushës së Ujërave. (Hotel Garden, ora 10:00)

- Ideatorët e platformës "Liria ka emër", Eliza Hoxha dhe Ismail Tasholli, do të vizitojnë Organizatat e dala nga lufta të UÇK-së. (Zyrat e Organizatave të dala nga lufta të UÇK-së, ora 11:00)

- Presidentja e Kosovës, Vjosa Osmani, dhe ministri i Shëndetësisë, Arben Vitia, vizitojnë Klinikën e Gjinekologjisë në QKUK, ku planifikohet të fillojnë shërbimet për Fertilizim të Asistuar Mjekësor (FAM) në shërbimin publik. (Klinika Gjinekologjike në QKUK, ora 11:00)

- Myftiu i Kosovës, Naim Tërnava, jep mesazhin me rastin e fillimit të muajit të Ramazanit. (Selia e BIK-ut, ora 11:00)

 - Kuvendi i Republikës së Kosovës vazhdon seancën plenare. (Kuvendi i Kosovës, ora 12:00)

- Në shënimin e Javës Ndërkombëtare e Parasë, Shoqata e Bankave të Kosovës zhvillon një vizitë në shkollën "Thimi Mitko" në Gjilan. (Gjilan, ora 13:30)

- Instituti Demokratik i Kosovës në bashkëpunim me Transparency International organizon tryezën e diskutimit “Buxhetimi gjinor në kuadër të partive politike në Kosovë”, një diskutim i përbashkët mes kryetareve të forumeve të grave të partive kryesore në vend, trupave menaxhuese zgjedhore, shoqërisë civile dhe korit diplomatik në vend. (Hotel Sirius, ora 14:00)