31 Mars 2023

Në Ditën e Çlirimit Gjilani fillon vaksinimin masiv kundër COVID-19

Gjilan, 15 qershor –  Në Ditën e Çlirimit, Gjilani ka filluar me vaksinimin masiv të qytetarëve kundër COVID-19, në palestrën e sporteve Bashkim Selishta-Petriti.

Kreu i Gjilanit, Lutfi Haziri, i cili bashkë me bartësit e institucioneve shëndetësore ka parë nga afër procesin, ka kërkuar nga qytetarët që t’i përgjigjen thirrjeve dhe vaksinimi të bëhet sipas radhës.

“Në Ditën e Çlirimit të Gjilanit, kemi filluar tashmë edhe me vaksinim masiv të qytetarëve kundër virusit COVID-19. I lus qytetarët që të lajmërohen sipas regjistrit dhe kontakteve përmes telefonit që ne i kemi bërë. Nuk ka nevojë për pritje pos që të respektojnë thirrjet dhe të vijnë për t’u vaksinuar”, ka thënë Haziri.

Ai bëri të ditur se në Gjilan tashmë janë vetëm shtatë raste aktive, prej të cilëve dy janë në hospitalizim.

“Po punojmë për një Gjilan pa COVID. Kjo ditë shënon edhe festën dhe ditën e kthesës së madhe. Imuniteti kolektiv arrihet vetëm përmes vaksinimit”, ka thënë Haziri. 

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)