31 Mars 2023

Dyzetepesë zyrtarë Komunal të Prishtinës, vizitë turistike në qytetin e Lezhës

Prishitnë, 24 janar - Lëvizja Vetëvendosje dega në Prishitnë vlerëson se më dërgimin e dyzetepesë zyrtarëve Komunal të Prishtinës për vizitë turistike në qytetin e Lezhës, Kryetari i Komunës vazhdon atë që di të bëjë mirë: udhëtimet.

Në fillim të mandatit, para 1 viti, bashkë me kabinetin e tij ishin për një vizitë 2 ditore në Pejë e për gjatë gjithë vitit sipas LVV-së ai nuk i ndali udhëtimet e tij të shpeshta në Londër.

"Komunën e Lezhës e respektojmë dhe e vlerësojmë për bashkëpunimin e treguar ndër këto vite."

"Por, Kryetari Rama nuk mund dhe nuk bën të shfrytëzojë kapacitetet zyrtare e bashkëpunimet ndërkomunale për promovime e udhëtime për vete e kabinetin e tij", thekson LVV.

Prandaj LVV konsideron se meqenëse Komuna nuk dha detaje të plota për këtë vizitë, është legjitime t’i bëjmë disa pyetje rreth kostos dhe qëllimeve të këtij rrugëtimi:

- Cila ishte arsyeja e vizitës?

- Çfarë fitoi Prishtina nga kjo vizitë?

- Sa mjete të buxhetit të qytetarëve janë shpenzuar për këtë fundjavë?

Në fillim të këtij viti, ky Kryetar me kabinetin e tij nga LDK e PDK, ulën buxhetin dhe përgjysmuan shujtat e ushqimit për personat me gjendje të rënduar financiare, por siç po shihet luksin për vete e vazhduan njësoj.

"Pushteti nuk është i përhershëm, por dinjiteti po. Nuk duhet shfrytëzuar mundësitë që t’i jep pozita, për qejfe personale. Prishtina ka shumë probleme, por edhe Kryetari duket se ka shumë qejfe", deklaron LVV.

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)