20 Mars 2023

U promovua romani “Dardani” i autorit Dominik Pllashniku

Prishtinë, 20 janar - Në ambientet e Bibliotekës Kombëtare “Pjetër Bogdani” në Prishtinë, të premtën u mbajt promovimi i librit, përkatësisht i romanit me titull “Dardani” i autorit të ri Dominik Pllashniku nga Prishtina i lindur në Prishtinë më 20 nentor 2002.

Pra, autori i romanit “Dardani”, është i lindur pas luftës së fundit në Kosovë në vitet 1998 dhe 1999 i ka vetëm 21 vjet, por me zgjuarësinë e tij dhe talentin për të shkruar, ia ka arritur qëllimit dhe e ka shkruar romanin voluminoz prej 242 faqeve, i cili mbase do të zgjojë interesim dhe kurreshtje tek lexuesit për ta lexuar.

Dominiku tani është student i vitit të dytë në Fakultetin e Inxhinierisë Elektrike dhe Kompjuterike në Universitetin e Prishtinës “Hasan Prishtina” në Prishtinë.

Për librin foli Fehmi Ajvazi, redaktor i librit, i cili tha se e ka befasuar autori i ri me moshë se e ka shkruar një roman kaq voluminoz dhe madje të shkruar bukur artistikisht dhe me përmbajtje mjaft interesante, me përplot imagjinatë kreative.

Pastaj për librin foli kritiku letrar, Prend Buzhala. Ai theksoi se romani “Dardani” ka një simbolikë për paqen, dashurinë njerëzore dhe familjen si celulë e shoqërisë prej ku fillon edukata, kultura dhe civilizimi njerëzor.

Për librin Venera Alshiqi nga Shtëpia Botuese “Lena Grafik” tha se ndjehet e lumtur që në mesin e shkrimtarëve të afirmuar ka edhe autorë të rinj, siç është Dominik Pllashniku. Ajo autorit të romanit ia dhuroi një Mirënjohje nga SHB “Lena Grafik”.

Në fund foli edhe autori i romanit Pllashniku, i cili tha se është mëkat që të mbetet letra e bardhë, andaj në të duhet të shkruhet sa herë që të bjen ndërmend ndonjë gjë interesante dhe që ia vlen për t’u shkruar. Ky është romani im i pare, por nuk do të jetë i fundit, tha autori Pllashniku. Në fund, për të pranishmit pati një koktej rasti në shenjë falënderimi për pjesëmarrësit në promovimin e romanit.     

Shkruan Ahmet Pllana     

 

Kalendari

Ngjarjet e datës 21 mars 2023

- Asociacioni i Qendrave për Punë Sociale dhe Departamenti Punë Sociale, Universiteti i Prishtinës “Hasan Prishtina” me përkrahjen e OSBE, KOMF, Terre Des Hommes, SOS Fshatrat e Femijeve, Save the Children, OFAP, UNICEF organizojnë konferencën e dyte nacionale për shënimin e Ditës Botërore të Punës Sociale. (Hotel Sirius, ora 9:00)

- Melita & Partners mbështet nga USAID Kosovo Compete Activity, SCAAK dhe BERZH organizon konferencën e Kontabilitetit Digjital. (Klan Arena, ora 9:30)

- Ministria e Bujqësisë, Pylltarisë dhe Zhvillimit Rural në bashkëpunim me Organizatën e Kombeve të Bashkuara për Ushqim dhe Bujqësi FAO do të shënojnë Ditën Ndërkombëtare të Pyjeve me temën "Pyje të shëndetshme për njerëz të shëndetshëm". (Parku i Gërmisë në Prishtinë, ora 11:00)

- Kryesuesi i Bordit të KOSSTI-it, Jeton Mehmeti dhe kryeshefi ekzekutiv, Evatar Zeqiri raporton para Komisionit për Mbikëqyrjen e Financave Publike lidhur me shqyrtimin e raportit të auditimit të performancës 'Projektet kapitale të operatorit të sistemit, transmisionit dhe tregut të energjisë elektrike të Kosovës'. (Ndërtesa e Kuvendit, salla N302, ora 11:00)

- Më rastin e 25 vjetorit të "Epopesë së Dukagjinit" organizon Panairin i Librit me moto 'Libri me Pararojë e Kombit'. (Oborri i Komunës së Deçanit, ora 11:00)

- Komisioni për Ekonomi, Industri, Ndërmarrësi dhe Tregti shqyrton kërkesën e Bordit të AKP-së, për auditim të procesit të shitjeve direkte në AKP. (Ndërtesa e Kuvendit, salla N10, ora 11:00)

- Në kuadër të Javës së Franfonisë përurohet Qendra Frankofone e Punësimit. (Departamenti i Gjuhës Frënge në Universitetin e Prishtinës, ora 11:00)

- Komuna e Deçanit promovon librin 'Komiteti i Deçanit' e autorit Hasan Ukëhaxhaj. (Salla e Kuvendit Komunal në Deçan, ora 12:00)

- Kryeministri i Republikës së Kosovës, Albin Kurti dhe Ministrja e Ekonomisë, Artane Rizvanolli, marrin pjesë në ngjarjen “Kosova Connected”  e cila ka të bejë me shtrirjen e infrastrukturës telekomunikuese brezgjerë në Kosovë. (Shkolla “Rilindja” në fshatin Herticë të Komunës së Podujevës, ora 12:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për ndryshimin dhe plotësimin e Ligjit për trajtimin e ndërtimeve pa leje. (Ndërtesa e Kuvendit, salla N204, ora 13:00)

- Komuna e Deçanit promovon librin 'Fajtori' e autorit Besnik Mustafaj. (Salla e Kuvendit Komunal në Deçan, ora 14:00)

- Panel letrar rreth përkthimit të fundit të veprës Edith Durham nga Jacqueline Dérens, parathënie nga Jean-Arnault Dérens dhe librit 'Përndjekja është profesioni im' nga Eric Emeraux, oficer i lartë dhe ekspert në Tribunalin e Hagës. (Libraria Dukagjini, ora 15:00)

- Nën përkujdesjen e Shoqatave të Dala nga Lufta e UÇK-së - Dega në Drenas përuron librin “Bekimi, luftëtari i bekuar” i autorit Afrim Hysenaj. (Salla e Kulturës në Drenas, ora 17:00)

- Ambasada e Francës organizon hapjen e Javës së Frankofonisë nga ambasadori Olivier Guerot. (Amfiteatri i Bibliotekës Qëndrore Universitare, ora 18:00)

- Java e Frankofonisë do të vazhdojë me spektaklin nga Belgjika 'Fritland' që është një spektakël prekës i një poeti, fëmijë i një emigranti shqiptar në Belgjikë rreth Fritlandit, dyqanit të famshëm belg të patateve të skuqura. (Termokiss, ora 20:30)