Prishtinë, 18 janar - Ambasada e Francës në Kosovë organizon sot ceremoninë e dorëzimit të çmimit për të Drejtat e Njeriut të Republikës Franceze "Liri, Barazi, Vëllazëri".

Ambasadori i Francës në Kosovë, Olivier Guérot do t'ia dorëzojë zyrtarisht këtë çmim znj Magbule Hyseni, drejtore e OJQ-së EcoKosWomen.

Komisioni Kombëtar Konsultativ për të Drejtat e Njeriut në Francë ka ndarë këtë çmim për Magbule Hysenin si një mirënjohje për projektin EcoKosWomen në favor të qasjes së grave në mbrojtjen menstruale dhe më gjerësisht në favor të të drejtave të barabarta midis grave dhe burrave.