29 Maj 2023

Fansat izraelitë të Metallica do të bojkotojnë koncertin

Telaviv, 4 mars - Fansat izraelitë të grupit të hard rrokut "Metallica" janë shprehur se do ta bojkotojnë koncertin e grupit legjendar amerikan që do të zhvillohet në Tel Aviv. Arsyeja e këtij bojkoti është çmimi i lartë i biletave të këtij koncerti.

Anëtarët e grupit legjendar kanë caktuar datën 22 maj për të kënduar në Izrael, që do të jetë koncerti i parë që nga viti 1999 në këtë vend.

Organizatorët e koncertit kanë njoftuar se çmimi i biletës do të jetë nga 159 dollarë, ndërsa kjo ka shkaktuar pakënaqësi ndërmjet fansave

Më shumë se 500 fansa të këtij grupi, janë betuar në adresën virtuale të Facebook-ut se do ta bojkotojnë koncertin duke propozuar që çmimi i biletave duhet të jetë të paktën sa gjysma e çmimit aktual. 

Kalendari

Ngjarjet e datës 29 maj 2023

- Deputetja e Parlamentit Evropian dhe Raportuesja e Përhershme për Kosovën Viola Von Cramon - Taubadel do të mbajë një konferencë për shtyp. (Shtëpia e Evropës në Prishtinë përballë Zyrës së BE-së, ora 11:30)
 
- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e ligjeve që përcaktojnë shumën e beneficionit në lartësi të pagës minimale, procedurat e caktimit të pagës minimale dhe shkallët tatimore në të ardhurat personale vjetore. (Ndërtesa e Kuvendit, salla C203, ora 13:30)

- Koncerti i radhës, bashkëpunim i Chopin PianoFEST Prishtina me Filharmonine e Kosovës, sjell në skenë 2 artistë të shquar  nga Mbreteria e Bashkuar Peter Donohoe, doajenin e pianos dhe dirigjentin Robert Guy, për të performuar së bashku me Filharmoninë e Kosovës Koncertin nr.3 të S. Rachmaninof, me rastin e 150 vjetorit të këtij kompozitori gjenial të epokës së romantizmit. (KlanArena, ora 20:00)