24 Mars 2023

Volkswagen-i paralajmëron shkurtimin e 5-7 mijë punonjësve deri në vitin 2023

Frankufurt, 14 mars - Grupi Volkswagen, ndër prodhuesit më të mëdhenj në botë të automobilave, njoftoi të mërkurën se 5-7 mijë njerëz do të pushohen nga puna deri në vitin 2023.

Kompania gjermane, e cila synon të jetë ndër pararojat e tregut të automjeteve elektrike, deklaroi se një sërë investimesh ekonomike do të bëhen për këtë qëllim dhe se sistemi i ri i prodhimit do të kërkojë më pak punësim.

“Me automatizimin e punëve rutinë, në kompaninë tonë do t’u jepet fund kontratave të 5-7 mijë punonjësve deri në vitin 2023”, thuhet në një njoftim për shtyp të Grupit Volkswagen në lidhje me këtë çështje.

Njoftimi bën të ditur edhe se të pensionuarit nuk do të zëvendësohen me punonjësit e rinj dhe se kjo do të jetë gjithashtu një mënyrë për të reduktuar punësimin.

Kolosi gjerman i automobilave, i cili ka filluar t’i japë përparësi prodhimit të makinave elektrike, do të prodhojë 22 milionë automjete brenda 10 viteve të ardhshme.

Theksohet se në këtë drejtim Grupi Volkswagen mund të transferojë në Turqi një pjesë të linjës së saj të prodhimit.

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)