24 Mars 2023

Zyrtarët e prokurimit në presion nga udhëheqësit e institucioneve

Prishtinë, 9 mars  - Në mbledhjen e sotme të Komisionit për Mbikëqyrje të Financave Publike, kryesuar nga Haki Shatri, kryetar i komisionit, u shqyrtua raporti i Komisionit Rregullativ të Prokurimit Publik mbi aktivitetet e prokurimit publik në Kosovë, për vitin 2009.

Ky raport është hartuar në përputhje të plotë me kërkesat e Ligjit për Prokurim Publik, duke paraqitur një analizë mjaft të detajuar mbi të gjitha aktivitetet e prokurimit publik të zhvilluara në Kosovë sipas kontratave të nënshkruara publike gjatë periudhës janar-dhjetor të vitit 2009.

Përfaqësues të KRPP-së, kanë njoftuar anëtarët e Komisionit se nga gjithsej 152 autoritete kontraktuese, sa kanë ekzistuar në Kosovë, në fund të vitit 2009, me kohë i kanë dërguar raportet vjetore 149 autoritete kontraktuese, ndërsa tri autoritete kontraktuese nuk i kanë dërguar raportet vjetore. Autoritetet kontraktueses, të cilat nuk i kanë dorëzuar raportet vjetore, janë tri komuna nga pjesa veriore e Kosovës: Zveqani, Zubin Potoku dhe Leposaviqi.

Gjatë vitit 2009 në tërë Kosovën janë nënshkruar 14 mijë e 820 kontrata publike të udhëhequra sipas Ligjit për Prokurim Publik të Kosovës, duke i përfshirë të gjitha llojet e vlerave të prokurimit. Kjo shifër, krahasuar me vitin paraprak, paraqet një rritje të numrit të tyre prej 3.51 për qind, njoftuan përfaqësues të KRPP-së.

Përfaqësues të KRPP-së, njoftuan se sfidat me të cilat ballafaqohet sistemi i prokurimit publik në Kosovë janë: presionet që iu bëhen zyrtarëve të prokurimit gjatë kryerjes së aktiviteteve të prokurimit, sidomos me rastin e dhënies së kontratës; ndërrimi i shpeshtë i zyrtarëve të prokurimit nëpër autoritetet kontraktuese; numri i vogël i zyrtarëve të licencuar të prokurimit në Kosovë, në krahasim me buxhetin e shpenzuar për prokurime; dhe përdorimi i shpeshtë i procedurave të negociuara pa publikim të njoftimit për kontratë-prokurimeve një burimore.

Anëtarët e Komisonit kërkuan informata shtesë nga përfaqësues të KRPP-së, lidhur me mënyrën e tenderimit, kushtet e tenderimit, anekskontratat, si dhe shprehën shqetësimet e tyre lidhur me shumë çështje rreth prokurimit publik.

Anëtarët e Komisionit për Mbikëqyrje të Financave Publike, vlerësuan se raporti mbi aktivitetet e prokurimit publik në Kosovë për vitin 2009 është raport përmbajtësor dhe se mund të procedohet në Kuvendin e Kosovës.

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)