24 Mars 2023

Sparks: Korrupsioni nuk duhet të ketë vend në Kosovë

Prishtinë, 18 mars - Rezultatet e ndryshimeve të mundshme në Qeverinë e Kosovës, janë duke u pritur me interesim nga përfaqësues ndërkombëtarë në Prishtinë. Një pritje të tillë, e ka shprehur sot Ambasadori britanik në Prishtinë, Andy Sparks, i cili ka theksuar se korrupsioni nuk duhet të ketë vend në Kosovën moderne, e cila të ardhmen e ka në BE.

 

Edhe pse, Ambasadori britanik, nuk saktësoi nëse këto ndryshime në Qeveri kanë të bëjnë me korrupsionin ai tha se i presin me interes ndryshimet.

“Ne i presin me interes këto ndryshime në Qeveri. Dua të theksoj se pas bisedave që kam pasur me kryeministrin e Kosovës, na ka thënë shumë herë se ai është i interesuar për një qeverisje të mirë dhe luftimit të korrupsionit, është me rëndësi që Qeveria e tij, që qeveriset prej tij, të jetë në përputhje me komentete apo parimet që ai i ka shprehur”, ka thënë Sparks.

Sparks, këto komente i bëri gjatë takimit me Kryetarin e Gjykatës Kushtetuese të Kosovës, Enver Hasanin, me të cilin bisedoi për funksionin e këtij institucioni të Kosovës. Ai ka lavdëruar punën që po bën ky institucion, duke i bërë thirrje të gjithë qytetarëve, pa dallim, që t’i drejtohen këtij institucioni.

“Unë i inkurajojë të gjithë qyetarët e Kosovës, se ata e kanë një Gjykatë Kushtetuese të pranishme, e cila nuk është e korruptuar dhe është garancioni i tyre dhe e drejta e tyre”, thotë Ambasadori britanik, Andy Sparks.

Ndërsa, kryetari i Gjykatës Kushtetuese, Enver Hasani, bëri të ditur se qytetarët, pa dallim etnie, kanë filluar t’i drejtohen këtij institucioni, për çështje të ndryshme.

“E njoftova se kohëve të fundit, Gjykatës Kushtetuese, kanë filluar t’i drejtohen edhe komunitetet joshumicë, përkatësisht, serbët. Janë katër raste, gjë që, është shenjë se pranohet një paanshmëri dhe profesionalizëm i Gjykatës, në punën tonë.

Hasani, gjithashtu, e falenderoi Qeverinë britanike, organizatën DFID, për ndihmën e vazhdueshme që po jep në funksionalizimin e plotë të këtij institucioni.

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)