Qeveria gjermane këshillohet për bankat
Berlin, 25 gusht - Gati dy vite pas falimentimit me pasoja tepër të rënda për ekonominë botërore të bankës amerikane të investimeve Lehman Brothers, qeveria gjermane do të fillojë sot procedurën për miratimin e një ligji, i cili ka për qëllim evitimin e zhvillimeve të ngjashme tek institucionet e mëdha financiare.
Ligji parashikon krijimin prej bankave të një fondi miliardësh për shpëtimin e tyre nga krizat e ngjashme.
Arkat gjermane të kursimit janë kundër me shpjegimin se ato nuk janë shkaktarë të krizës, prandaj nuk duan të marrin pjesë në financimin e një fondi të këtillë.
