24 Mars 2023

Polonia dhe Çekia shtyjnë vendosjen e euros

Varshavë, 20 gusht - Polonia dhe Çekia mendojnë për një kohë të gjatë ta shtyjnë kalimin drejt euros edhe përkundër obligimit që e morën gjatë hyrjes në Bashkimin Evropian.

Kjo bëhet e ditur në analizën e bankës zvicrane UBS, sipas të cilës dy vendet për shkak të krizës botërore ekonomike, kanë planifikuar që në një afat më të gjatë ta shtyjnë obligimin për vendosjen e euros si mjet pagesor.

“Autoritetet në Poloni panë se në periudhë të krizës sa shpëtimtare mund të jetë valuta kombëtare. Dobësimi i zlotës në masë të madhe u ndihmoi eksportuesve dhe shpëtoi Poloninë nga recesioni”, bëhet e ditur në raportin e UBS-së.

Ndonëse Qeveria polake përgatitej që ta futë shtetin në të ashtuquajturin vend të pritjes për euron “ERM 2”, analistët e bankës zvicrane janë të bindur se Polonia do ta ndjekë shembullin e Suedisë, e cila me vite të tëra nuk heqë dorë nga krunat e veta.

Anketat e fundit e konfirmojnë këtë mendim, meqë 53 për qind e polakëve konsiderojnë se vendosja e euros do të reflektohet negativisht mbi buxhetin e tyre vendor.

Njëherit në Çekinë fqinje gjithnjë e më shumë rritet evroskepticizmi, për shkak të cilës arsye gjithnjë e më pak happen debatet që të mos ketë vendosje të euros.

Guvernatori i sapoemëruar çek, Mirosllav Singer, është kundërshtar kategorik i hyrjes së shtetit në Eurozonën, qëndron në analizën.

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)