Ankara, 16 mars - Përqindja e papunësisë në Turqi deri në fund të janarit ra në 13,5 për qind dhe tani është për gjysmë për qind më e vogël në krahasim me periudhën e njëjtë të vitit të kaluar, tregojnë të dhënat zyrtare të Shërbimit kombëtar për statistikë të Turqisë.

Hulumtimi i mbështetur në anketimin e 94.000 personave tregon se numri i të papunëve arrin 3,36 milionë persona, publikuan nga shërbimi statistikor i Turqisë.

Megjithatë, një pjesë e analistëve në Turqi presin që papunësia të vazhdojë të rritet edhe sivjet.

Kriza financiare botërore futi në recesion të thellë ekonominë turke dhe rezultoi me rënie të BPV-së prej 8,4 për qind për nëntë muaj prej vitit 2009 dhe aq më tepër e përkeqësoi problemin kronik me papunësinë në vend.