26 Mars 2023

Papunësia është një nder sfidat në Kosovë

Prishtinë, 4 qershor - Pas një takimi që sot patën në Odën Ekonomike të Kosovës, një delegacion i Sindikatave të Zvicrës të Oberaargau-t, kanë bërë një vizitë pune në Ministrinë e Punës dhe Mirëqenies Sociale me ministrin e kësaj ministrie Nenad Rashiq.
 
Me këtë rast ministri Rashiq, sindikalistët e Zvicrrës i ka njoftuar mbi gjendjen socio-ekonomike në Republikën e Kosovës si dhe shkallën e lartë të papunësisë që është prezente në Kosovë që  konsiderohet të jetë rreth 40%, ku edhe është faktori kryesor që po e gjeneron varfërinë në vend.
 
“Fatkeqësisht ne kemi një buxhet modest, por po mundohemi që me aq buxhet sa kemi të ndikojmë në uljen e papunësisë sepse në mesin e shumë sfidave që i ka sot Kosova është edhe sfida e papunësisë si një ndër prioritete e Qeverisë së Kosovës dhe MPMS-së”, theksoi Rashiq.
 
Pasi sot ishte edhe dëgjimi i parë në Kuvendin e Kosovës i Projektligjit të Punës, Ministri Rashiq informoi shkurtazi se pas një pune të vazhdueshme që kanë bërë për miratimin e këtij Projektligji dhe të gjitha atyre sfidave që kanë hasur deri tani  në inkorporimin e të gjitha rekomandimeve nga Banka Botërore tani gjendet në Kuvend për miratim ku edhe përmendi rëndësinë e këtij projektligji për qytetarët e Kosovës.
 
Rashiq lidhur me projektet që ka bërë MPMS-ja për gjenerimin e punësimit deri tani ka përmendur ato projekte që në vazhdim kanë qenë punë e përbashkët si me UNDP, LUX-DEVELOPMENT si dhe projektin e fundit me shumicën e komunave të Kosovës që është një donacion nga Bankën Botërore që në fokus ka realizimin e punëve publike me qëllim të punësimit të një numri të konsiderueshëm punëkërkuesish.

“Kemi bërë disa projekte me UNDP, Lux-Development, gjithashtu tani kemi edhe Projektin e Punëve Publike me shumicën e komunave të Kosovës që ka për qëllim punësimin e të rinjëve”, shtoi Rashiq.
 
Ministri Rashiq kërkoi edhe njëherë mbështetje të vazhdueshme për zhvillimet ekonomike në Kosovë, si dhe mundësinë e hulumtimit të tregut të punës për punëkërkuesit kosovar dhe shprehu falënderimet e tij për angazhimin  e sindikalistëve zviceran dhe në emër të tij dhe qeverisë së Kosovës i ftoi ata të bashkëpunojnë ngushtë për çfarëdo lloj marrëveshje, dialogu apo kontakti që do të ishte në të mirë të të gjithë qytetarëve të Republikës së Kosovës në sferën e punës, punësimit dhe çështjeve sociale dhe investimeve ekonomike.
 
Nga ana e tyre, përfaqësuesit e Sindikatave të Zvicrës të Oberaargau-t shprehën vullnetin e tyre për zhvillim të bashkëpunimit shumë të ngushtë me Republikën e Kosovës edhe në të ardhmen.

Kalendari

Ngjarjet e datës 27 mars 2023

- Udhëheqës të Komunës së Suharekës bejnë homazhe pranë lapidarit të "Betejës së Semetishtit". (Semetisht, ora 10:00)

 - Udhëheqës të Komunës së Suharekës bejnë homazhe pranë pllakës Përkujtimore në Peqan. (Peqan, ora 10:30)

- Komisioni për Punë të Jashtme dhe Diasporë takohet me Ambasadorin e Suedisë në Kosovë, Jonas Westerlund. (Kuvendi i Kosovës, salla N506, ora 11:00)  

- Në kuadër të edicionit të 13-të, Java e Frankofonisë përurohet hapësira Franceze 'Metro Station Quatre - Septempre'. (Universiteti Ukshin Hoti në Prizren, ora 11:00)

- Udhëheqës të Komunës së Suharekës bejnë homazhe pranë Kompleksin Memorial të Dëshmorëve në Suharekë. (Suharekë, ora 11:00)

- Nën patronatin e kryetarit të Komunës së Suharekës, Bali Muharremaj promovohet libri me titull "Simbol Çlirimtari" kushtuar Heroit të Kombit Milazim Kiqina. (Shtëpia e Fellbahut në Suharekë, ora 12:00)

- Guvernatori i Bankës Qendrore të Kosovës, Fehmi Mehmeti mban konferencë për media. (Ndërtesa e BQK-së, ora 15:00)