20 Mars 2023

Lansohet platforma e punësimit për të rinj “superpuna”

Prishtinë, 6 shkurt - Fuqizimi i të rinjve në tregun e punës është prioritet kyç i Qeverisë sonë, e kjo sot u konkretizua me lansimin e platformës së punësimit për të rinj “superpuna”.

Në ngjarjen lansuese, me prezencë të Kabinetit Qeveritar, partnerëve ndërkombëtarë, përfaqësuesve të bizneseve e të rinjve, Kryeministri Kurti u shpreh se “duke u ofruar të rinjve mundësinë për të fituar përvojë të vlefshme pune dhe për të zhvilluar aftësitë e tyre, ne po ndërtojmë një fuqi punëtore të aftë, e cila do të rrisë ekonominë e vendit.”

Zhvillimi i platformës “superpuna" është bërë me mbështetjen e Qeverisë Zvicerane. Përfaqësues i Ambasadës Zvicerane në Kosovë, z. Christophe Favre, shprehu gatishmërinë e Qeverisë Zvicerane që edhe më tej të përkrah MFPT-në në fusha me interes të veçantë për zhvillimin e vendit tonë.

Ministri Murati, në anën e tij, tha “premtimi ynë ishte që secilin i ri të ketë punën e parë të garantuar dhe të mbështetur nga Qeveria e Republikës së Kosovës dhe ky premtim sot po realizohet”.

Qëllimi i “superpuna” është ndërmjetësimi i të rinjve punëkërkues 18-25 vjeç me punëdhënës potencial. Punëdhënësit mund të jenë nga sektori privat, publik dhe sektori jo-qeveritar.

Përmes “superpuna”, çdo punëdhënës mund të angazhojë deri në 30% të stafit të tyre ekzistues. Pra, nëse një biznes ka 10 të punësuar, përmes “superpuna” mund të angazhojë edhe 3 punëtorë të rinj.

Pas ndërmjetësimit të suksesshëm në mes të punëdhënësve dhe punëkërkuesve, Qeveria bën subvencionimin e pagës prej 264 euro në muaj, për 6 muaj me radhë. Çdo punëdhënës ka të drejtë që të shtojë vlerën e pagës për punëtorin e angazhuar.

Ministria e Financave, Punës dhe Transfereve mbetet e përkushtuar në hartimin dhe zbatimin e politikave që kanë për synim zhvillimin profesional dhe punësimin, me theks të veçantë fuqizimin e të rinjve në tregun e punës.

Vëmendje: bizneset të cilat regjistrohen në platformën “superpuna” do të marrin email-in konfirmues në email adresën të cilën e kanë të deklaruar në ARBK. Andaj, udhëzoheni që fillimisht të kontrolloni nëse email adresa juaj në ARBK është e saktë.

 

Kalendari

Ngjarjet e datës 20 mars 2023 - Qendra Kosovare për Studime Gjinore organizon konferencën “Konventa e Stambollit: Forcimi i zbatimit në përfundimin e dhunës ndaj grave, dhunës në familje dhe dhunës në baza gjinore”. (Hotel Emerald, ora 9:30)

- Shoqata e Bankave të Kosovës organzon shënimin e Javës Ndërkombëtare e Parasë. (Shkolla "Elena Gjika" në Prishtinë, ora 10:00)

- Mbahet konferenca e parë për prezantimin e monitorimit të Strategjisë së Ujërave për Kosovën 2017-2036 dhe prezantimin e propozimit të Politikave për Menaxhimin e Territorit Rreth Resurseve Ujore në Kosovë. (Hotel Sirius, ora 10:00)

- Përzgjedhësi i Kombëtares së Kosovës, Alain Giresse do të mbajë konferenca për media në nismë të grumbullimit për dy ndeshjet kualifikuese për Euro 2024 kundër Izraelit dhe Andorrës. (Hotel Emerald, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C301, ora 11:00)

- Shoqata 'Flaka e Llapit' mbajnë konferencë akademi përkujtimore me rastin e trevjetorit të ndarjes nga jeta të Rifat Blakut. (Salla e teatrit 'Avdush Hasnai' në Podujevë, ora 13:30)

- Kombëtarja e Kosovës fillon edhe përgatitjet për këto dy ndeshje. (Kampi Nacional në Hajvali, ora 16:00)

- Në kuadërt të edicionit XXIII i Javës së Frankofonisë në Kosovë organzohet aktiviteti 'Street Art, Balkan Trafic', krijim nga dy artistë franko-belgë. (Rr. Sylejman Vokshi, 66 në Prishtinë, ora 16:30)