Londër, 24 nëntor - Ashpërsimi i krizës në Irlandë mund ta dëmtojë Britaninë e Madhe, sektori bankar i së cilës është thellësisht i lidhur me atë irlandez, kështu që ministri i Financave George Ozborn ka vepruar drejtë kur ka vendosur që t’i ndihmojë mikut në hall, shkruan “Times” në edicionin e sotëm.

Kjo, nga ana tjetër, nuk do të thotë se Britania është përgjegjëse për krizën financiare irlandeze, e cila, konstaton gazeta britanike, është rezultat i vendimeve të gabuara të cilat i merrte Irlanda një periudhë të gjatë.

“Times” e transmetoi edhe deklaratën e Çarlls Grantit nga qendra londineze për reforma ekonomike i cili vlerësoi se pakoja e ndihmës që i është ndarë Irlandës nuk do të thotë edhe fund të krizës në Eurozonën.

“Gjatë pesë viteve të ardhshme, Eurozona do të jetë në kaos. Kriza nuk mund të zgjidhet derisa nuk zgjidhen problemet strukturore në Eurozonën”, deklaroi Granti.

“Guardina” po ashtu mbështet vendimin e Qeverisë britanike, por e parashtron çështjen se Britania e Madhe mund t’ia lejojë këtë vetes.