31 Mars 2023

Delegacioni i Sindikatave të Zvicrës viziton OEK-un

Prishtinë, 4 qershor - Një delegacion i Sindikatave të Zvicrës i udhëhequr nga Markus Meyer ka vizituar sot Odën Ekonomike të Kosovës ku janë informuar me aktivitetet dhe qëndrimet e Odes lidhur me dialogun social.

Në bisedë me sindikalistët nga Zvicra, Zineta Daci këshilltare e kryetarit të OEK-u ka theksua se Oda është e interesuar për përparimin dhe avancimin e dialogut social dhe se është duke dhënë kontributin konstruktiv në kudër të institucioneve të cilat merren me këtë çështje.

Zonja Daci i ka informuar mysafirët nga Zvicra edhe lidhur me prioritetet e angazhimit të Odës si institucioni më i madh dhe më me ndikim në komunitetin e biznesit dhe me këtë rast ka theksua se OEK-u është përfaqësues i fortë i interesave të kompanive kosovare dhe partner me institucionet e Kosovës në zgjidhjen e probleme aktuale dhe krijimin e një mjedisi sa më të favorshëm për biznes.

Gjatë takimit është hapur edhe çështja e pensioneve të qytetarëve të Kosovës të ndërprera pas skadimit të marrëveshjes ndërshtetërore në mes të ish Jugosllavisë dhe Zvicrës dhe me këtë rast është shprehur besimi se institucionet e Kosovës dhe Zvicrës, vend i cili gjithnjë ka përkrahur Kosovën dhe ndër të parit e ka njohur pavarësinë, do të zgjidhin shumë shpejt këtë çështje.

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)