26 Mars 2023

Banka Kombëtare e Zvicrës regjistron humbje prej 142 miliardë frangash

Bernë, 31 tetor - Banka Kombëtare e Zvicrës (SNB) njoftoi një humbje prej 142,4 miliardë frangash zvicerane në nëntë muajt e vitit për shkak të luhatjeve të larta në tregjet valutore.

Në deklaratën e bërë nga SNB, thuhet se banka ka shënuar një humbje prej 142,4 miliardë frangash zvicerane në periudhën janar-shtator për shkak të luhatjeve të larta në tregjet e arit, valutës dhe kapitalit.

Vlen të përmendet se humbja në fjalë ishte më e madhja në historinë 115-vjeçare të SNB-së.

Humbja totale e SNB-së, e cila kohët e fundit ka rritur normat e interesit për të luftuar inflacionin, ishte 141 miliardë franga zvicerane në 9 muaj për shkak të zhvlerësimit të obligacioneve dhe aksioneve që bleu dhe 1,1 miliardë franga zvicerane nga pozicioni i arit dhe humbjet në pozicionet në valutë të huaj.

Ekspertët deklaruan se vazhdimi i humbjeve të mëdha mund të shkrijë kapitalin e SNB-së, i cili ishte 204 miliardë franga zvicerane në fund të vitit 2021. 

Kalendari

Ngjarjet e datës 26 mars 2023

- Kryeministri i Kosovës, Albin Kurti, bën homazhe në Krushë të Madhe dhe në Krushë të Vogël. (Krushë e Madhe, ora 8:00)

- Presidentja e Republikës së Kosovës, Vjosa Osmani bën homazhe në Kompleksin Memorial të dëshmorëve dhe të martirëve në fshatin Krushë e Madhe. (Krushë e Madhe, ora 11:00)

- Aleanca për Ardhmërinë e Kosovës mban konferencë për media. (Holli i Kuvendit të Republikës së Kosovës, ora 12:00)