Tadiç: Edhe BE-në edhe Kosovën
Beograd, 8 mars - Serbia nuk do të presë me pozitivet çfarëdo kushti që mund t'i parashtrohet që të zgjedhë ndërmjet BE-së dhe Kosovës- ka thënë presidenti serb, Boris Tadiç, dhe ka shtuar se Beogradi asnjëherë nuk do të heqë dorë nga anëtarësimi në BE, dhe se zgjidhja për Kosovën mund të arrihet nëse ekziston vullnet i mirë.
Tadiç ka thënë se vendi i tij nuk ka alternativë tjetër veç politikës së integrimeve evropiane, dhe po ashtu nuk ka alternativë veçse të ruajë legjitimitetin dhe integritetin e vet në Kosovë.
"Zgjidhja është e mundur nëse ekziston vullnet i mirë, nëse në Kombet e Bashkuara dhe institucionet evropiane ekziston pajtimi se duhet të arrihet zgjidhje, por nuk është zgjidhje nëse njëra palë humb gjithçka, dhe tjetra i fiton të gjitha", ka thënë Tadiç.
Presidenti serb ka shtuar se Serbia nuk dëshiron të bllokojë pjesëmarrjen e Kosovës në takimet ndërkombëtare dhe rajonale, por sipas tij, duhet të ekzistojë "vija e kuqe", e cila nuk guxon të kalohet.
