24 Mars 2023

Rusia pranon humbjen e 10,000 ushtarëve në luftën me Ukrainen

Moskë, 21 mars - Mediat ruse kanë pranuar humbjet në radhët e ushtrisë në ditën e 26 të betejës në Ukrainë.

Pothuajse 10,000 ushtarë rusë mund të jenë vrarë në luftën në Ukrainë që kur Rusia hyri për të pushtuar vendin katër javë më parë , sipas raporteve të shifrave nga ministria e mbrojtjes në Moskë.

Një gazetë pro-Kremlinit tha se 9,861 ushtarë rusë vdiqën në Ukrainë dhe 16,153 u plagosën, ka raportuar ëall Street Journal. Një gjeneral ukrainas ka komentuar këto shifra, duke i lidhur me faktin se ushtarët e plagosur rus nuk po iu jepet ndihma mjekësore.

"Sa i përket raportit të humbjeve të njohura nga Federata Ruse (9861 të vdekur dhe 16153 të plagosur). Këto shifra tregojnë se shumë të lënduar po vdesin gjatë trajtimit mjekësor. Dmth ushtari është plagosur lehtë, por nuk kanë kohë ta çojnë në spital", shkruan ushtaraku ukrainas. Ndërkohë që Ukraina pretendon se shifrat e ushtarëve rus të vrarë është dyfishi.

Kalendari

Ngjarjet e datës 24 mars 2023

- Zëvendëskryeministri Besnik Bislimi dhe ambasadorin e BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022. (Ndërtesa e Qeverisë, ora 9:00)   

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Edukimin në Fëmijërinë e Hershme dhe Projektligjin pÑ‘r Agjencinë e Kosovës për Akreditim;  (Ndërtesa e Kuvendit, salla N303, ora 10:00)

- Në kuadër të Javës Ndërkombëtare e Parasë, Shoqata e Bankave të Kosovës viziton shkollën fillore “Naim Frashëri” në Vushtrri. (Shkolla “Naim Frashëri” në Vushtrri, ora 10:00)

- Kryetari i AAK-së, Ramush Haradinaj, bën homazhe në Kompleksin Memorial “Dëshmorët e Kombit” në Gllogjan. (Fshati Gllogjan, ora 11:00)

- Mbahet manifestimi qendror në shënim të 25-vjetorit të Epopesë së Dukagjinit dhe 24-vjetorit të ndërhyrjes së NATO-s. Merr pjesë dhe kryetari i AAK-së, Ramush Haradinaj. (Gllogjan, ora 12:00)

- Pas qëndrimit 3 ditor në protestë punëtorët teknik të 10 shkollave të komunës së Prishtinës takohe me kryetarin të Shoqatave Sindikale për veprimet e mëtutjeshme sindikale. (Selia e Federatës se Pavarur e Sektorit Privat të Kosovës, ora 12:30)

- Komisioni për Buxhet, Punë dhe Transfere diskuton rreth situatës në Trustin Pensional ku të ftuar janë guvernatori i BQK-së, Fehmi Mehmeti; Auditorja e Përgjithshme, Vlora Spanca; ministri i Financave, Hekuran Murati dhe drejtori menaxhues i Trustit, Adrian Zalli. (Kuvendi i Kosovës, C203, ora  13:30)

- PSD do të mbajë konferencë për media ku do të flas kryetari i PSD-së, Dardan Molliqaj, rreth protestës të së shtunës. (Zyrët qendrore të PSD-së, ora 15:00)

- Për nder të 24 marsit, Ditës së Bombardimeve ndaj forcave serbe, Rrjeti i OJQ-ve "AVONET" organizon "Kafen e Miqësisë dhe Falenderimeve". (Lokali “Mom Ami” në “The Village&Shopping&Fun” Ferizaj, ora 19:30)