31 Mars 2023

Koreja e Veriut teston raketë balistike

Tokio, 5 mars - Qeveria japoneze ka bërë të ditur se Koreja e Veriut lëshoi ​​një raketë balistike.

Ministria e Mbrojtjes e Japonisë tha se Koreja e Veriut lëshoi raketën balistike në drejtim të Detit të Japonisë (Detit Lindor).

Siç thuhet, se raketa përshkoi një distancë prej 300 kilometrash dhe ra jashtë zonës ekonomike ekskluzive kombëtare japoneze.

Ministri i Mbrojtjes Kishi Nobuo tha se një notë diplomatike iu dorëzua administratës së Phenianit për shkak të provës raketore.

Ministri tha se prova, të cilën ai e cilësoi si “plotësisht të papranueshme”, kërcënon paqen dhe sigurinë e vendit të tij dhe komunitetit ndërkombëtar.

Kryeministri japonez Kishida Fumio udhëzoi institucionet përkatëse të kryejnë vlerësime të dëmeve të mundshme në anije dhe avionë në rajon.

Ndërkohë, Shtabi i Përgjithshëm i Koresë së Jugut konfirmoi se testimi i raketës u krye rreth orës 08:48 me orën lokale nga rajoni Sunan, afër Phenianit.

Vlen të përmendet se testimi u krye para zgjedhjeve presidenciale të Koresë së Jugut më 9 mars.

Testi i fundit raketor i Koresë së Veriut ishte më 27 shkurt.

Me testin e fundit, Koreja e Veriut ka kryer provën e nëntë raketore që nga fillimi i vitit 2022.

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)