29 Mars 2023

Bisedimet Prishtinë-Beograd në fillim të 2011

Bruksel, 2 tetor - Ministri i Tregtisë në qeverinë serbe, Slobodan Milosavlevic, ka deklaruar se Beogradi shpreson që bisedimet për çështjet teknike me Prishtinën të nisin në fillim të vitit të ardhshëm.

“Parashikimi im është se bisedimet do të nisin në fillim të vitit të ardhshëm, sa më shpejt të jetë e mundur”, i tha ai agjencisë Reuters pas takimit me zyrtarë të Bashkimit Evropian në Bruksel.

Ministri serb u shpreh se palët duhet të diskutojnë edhe për çështje të tregtisë, çka sipas tij, Kosova është një treg me rëndësi për shtetin serb.

“Kosova është një treg i rëndësishëm për Serbinë, për shkak të afërsisë dhe për shkak se njerëzit nga Kosova janë blerës shumë të mirë të produkteve serbe”, ka thënë Milosavlevic.

Kalendari

Ngjarjet e datës 29 mars 2023

- Komisioni për Ekonomi, Industri, Ndërmarrësi dhe Tregti shqyrton ndryshimin dhe plotësimin e Ligjit për mbrojtjen e konsumatorit. (Kuvendi i Kosovës, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë diskuton rreth çështjeve vijuese nga fushëveprimi i Komisionit. (Kuvendi, salla N302, ora 10:00)

- Qendra e Kosovës për Eksport organizon ngjarjen “Rritja e eksportit përmes platformës KoEx”. (Hotel Sirius, ora  10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive. (Kuvendi, salla N10, ora 11:00)

- Komisioni për të Drejtat dhe Interesat e Komuniteteve dhe Kthim shqyrton Projektligjin për Prokurorin e Shtetit si dhe ndryshimin dhe plotësimin e Ligjit për trajtimin e ndërtimeve pa leje. (Kuvendi, salla N303, ora 11:00)

- Promovohet romani “Duke ndjekur fluturat” i autores Hana Hoxha, i cili ka si fabulë edukimin e nxënësve/fëmijëve për rolin e policisë në sigurinë e tyre. (Biblioteka Kombëtare, ora 12:00)

- Bëhet inaugurimi i punëtorisë së Floktarisë në Qendrën e Kompetencës “Shtjefën Gjeçovi”, e cila do të shërbejë për zbatimin e mësimit dual ku merr pjesë edhe ministrja e Arsimit, Arbërie Nagavci. (Shtjefën Gjeçovi në Prishtinë, ora 13:00)