31 Mars 2023

Ambasadorja Shala sot po qëndron në Antalya të Turqisë

Antali, 16 korrik - Ambasadorja e Vullnetit të Mirë për Kosovën në International Human Rights Commission (IHRC)  Elvana Shala sot po qëndron në Antalya të Turqisë, ku me ftesë të organizatës Aleanca për Humanitet me seli në SHBA,  po përfaqëson Kosovën në Samitin Botëror të Paqes “Antalya 2022”.

Në ceremoninë e hapjes zyrtare të këtij samiti, para perfaqësuesve të 100 vendeve të ndryshme të botës, ajo ka folur për diplomacinë ndërkombëtare dhe ndikimin e saj për arritjen e paqes në konfliktin e fundit Rusi - Ukrainë.

Gjatë fjalimit ajo ka thënë se 22 vjet më parë, arena ndërkombëtare kishte shembullin e Kosovës, një shtet i vogël me rreth 2 milion banorë por i afektuar nga një luftë mizore që vrau e masakroj mijëra njerëz të pafajshëm, gra burra e fëmijë, duke theksuar se në atë kohe paqja në botë e sidomos në Evropë pothuajse ishte në rrezikun e saj më të madh. Derisa e tërë diplomacia ndërkombëtare pati sytë kah Kosova dhe frika se si dhe kur do të përfundonte ajo luftë e tmerrshme.

“Sot historia po përsëritet 22 vjet më vonë, vetëm me dy shtete të ndryshme. Lufta mes Rusisë dhe Ukrainës, na kthen në kujtesë përjetimet e Kosovës dhe popullit të saj, andaj është e domosdoshme të jemi bashkë në arritjen e paqes mes këtyre dy vendeve” - theksoi ndër të tjera Ambasadorja Shala.  

Tutje ajo ka folur edhe për ndikimin e SHBA-ve në shuarjen e konfliktit mes Kosovës dhe Serbisë duke potencuar se një SHBA e dytë konsiderohet e domosdoshme në ndërhyrjen mes konfliktit Rusi-Ukrainë pasi që sic theksoj ajo qellimi i diplomacisë në kohe lufte ështe zgjidhja e konfliktit dhe këtu patjetër që duhet të ndërhyjnë shtetet e zhvilluara.
 
Fjalimin e ka përmbyllur me porosinë se; Paqja, diplomacia, zgjidhja e konflikteve e uniteti janë në duart tona.  

Le të jemi sot bashkë per veprimet konkrete për të ardhmen e një bote paqësore dhe të lumtur.

 

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)