31 Mars 2023

Viti i ri shkollor fillon me 1 shtator

Prishtinë, 21 gusht - Zyrtarët nga Ministria e Arsimit, Shkencës dhe Teknologjisë (MASHT) kanë konfirmuar se gjithçka është gati për fillimin e vitit të ri shkollor 2011/12 dhe se mësimi do të fillojë më 1 shtator.

Alush Istogu, drejtor i Departamentit për Arsimin Parauniversitar në MASHT, ka deklaruar se edhe këtë vit sikurse vitet e kaluar Ministria e Arsimit do t’ua shpërndajë falas librat nxënësve të shkollave fillore, dhe se gjithçka është gati sa i përket kësaj çështjeje.

“Të premten isha në kontakt më shtëpitë botuese “Dukagjini” dhe “Libri Shkollor”, ato janë në vlugun e shpërndarjes së teksteve shkollore. Prej klasës së parë deri në të pestën do të pajisen me të gjitha tekstet shkollore komplet falas, ndërsa prej të gjashtës deri në të nëntën, në bazë të Udhëzimit administrativ të Ministrisë në bashkëpunim me drejtorët e shkollave, ato tekste që janë ruajtur do të shpërndahen, kurse pjesa tjetër do të shpërndahen nga Ministria”, ka thënë Istogu.

Një pjesë të librave nga klasa e gjashtë e tutje, që shkollat do t’ua sigurojnë nxënësve në qershor, u janë marrë nxënësve që i kanë përfunduar vitet përkatëse.

Istogu ka deklaruar se Ministria e Arsimit ka bërë një plan dinamik në përgatitjet për fillimin e vitit të ri shkollor 2011/12 së bashku me drejtorët e drejtorive komunale. “Kemi formuar edhe grupet punuese në nivel të Ministrisë që do t’i vizitojnë drejtoritë komunale, por edhe të gjitha shkollat në nivel të arsimit parauniversitar në nivel të Kosovës”, ka thënë Istogu.

Ai ka potencuar se Ministria e Arsimit për herë të parë po ballafaqohet me shkollat dhe po sheh përgatitjet për vitin e ri shkollor si në aspektin teknik dhe higjenik, ashtu edhe në aspektin profesional të mësimdhënësve dhe planeve e programeve të tjera. Por, sipas tij, nga mesi i javës së ardhshme Ministria do të ketë informacionet e sakta për secilën shkollë.

“Por më 24 gusht nga mbledhja që do ta mbajmë me drejtorët e drejtorive komunale do t’i marrim të gjitha informacionet në mënyrë të saktë për fillimin e vitit të ri shkollor 2011/12, në të gjitha shkollat, dhe në ato në të cilat nuk do të fillohet, nëse do të ketë raste të tilla, por unë besoj që nuk do të ketë”, ka thënë Istogu.

Ai ka theksuar se MASHT-i është duke i përgatitur intensivisht shkollat në nivel vendi në pikëpamje teknike që më 1 shtator të mos ketë asnjë problem për fillimin e procesit mësimor.

“Jemi në vlugun e përgatitjeve për inventarizim të shkollave. Kemi disa shkolla të reja dhe besoj që Departamenti për infrastrukturë, në kuadër të Ministrisë së Arsimit, është duke i pajisur ato”, ka thënë Istogu.

/Koha Ditore/

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)