31 Mars 2023

Qeveria nënshkruan marrëveshje me Besa Foundation në fushën e Arsimit

Prishtinë, 15 mars - U mbajt takimi i parë i Komisionit Ekzekutiv për zhvillimin e sistemit të Arsimit dhe Aftësimit Profesional (AAP) kundrejt nevojave të tregut të punës të Republikës së Kosovës.
 
Krijimi i këtij komisioni ka lindur nga nevoja për bashkërendisje më të mirë ndërinstitucionale, por edhe për të zhvilluar dialog me të gjithë akterët relevantë për implementimin e sistemit të Arsimit dhe Aftësimit Profesional, tha Kryeministri i Republikës së Kosovës, Albin Kurti, në hapje të takimit.
 
Në mbledhjen e parë të këtij komisioni u propozua formimi i dy task forcave të veçanta. Task forca e parë, do të ketë për synim përmirësimin e qeverisjes lidhur me AAP-në, domethënë koordinimin dhe harmonizimin e Arsimit dhe Aftësimit Profesional. Task forca e dytë, do ta ndjekë koordinimin e akterëve për inicim dhe zbatim të Arsimit Dual.
 
Të pranishëm ishin edhe anëtarët e fondacionit BESA, të cilit kishin udhëtuar nga Gjermania për të qenë prezent në takimin e parë të Komisionit Ekzekutiv për zhvillimin e sistemit të Arsimit dhe Aftësimit Profesional kundrejt nevojave të tregut të punës të Republikës së Kosovës.
 
Në përfundim të takimit Ministrja e Arsimit, Shkencës, Teknologjisë dhe Inovacionit, znj. Arbërie Nagavci dhe përfaqësuesi nga fondacionit BESA, z. Ilir Seferi,  nënshkruan një marrëveshje të mirëkuptimit ndërmjet Qeverisë së Republikës së Kosovës dhe Besa Foundation në fushën e Arsimit dhe Aftësimit Profesional.
 
Ky Memorandum i Mirëkuptimit do mbështet bashkëpunimin ndërmjet akterëve relevantë me qëllim të lehtësimit dhe zbatimit të dialogut nacional në Republikën e Kosovës.

MASHTI do të bashkëpunojë me fondacionin Besa, në rolin e partnerit zhvillimor dhe inkurajon të gjitha palët e tjera të interesit (përfaqësuesit e ndërmarrjeve, sektorëve dhe industrisë, odat ekonomike, dhomat e tregtisë, shkollat profesionale, donatorët, nxënësit dhe prindërit),  që të mbështesin dhe të bashkëpunojnë me fondacionin Besa me qëllim të ngritjes së përfomancës dhe cilësisë, përmes pranueshmërisë së inicimit të arsimit dual në kuadër të sistemit të AAP-së.

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)