31 Mars 2023

Para Rektoratit të UP-së u përurua shtatorja e Hasan Prishtinës

Prishtinë, 28 nëntor - Përfaqësues të institucioneve më të larta shtetërore të Republikës së Kosovës, personalitete nga jeta kulturore, fetare, si dhe përfaqësues nga institucione të Republikës së Shqipërisë, kanë marrë pjesë sot në një akademi shkencore në Sallën e Kuqe të Fakultetit të Filologjisë, kushtuar figurës së Hasan Prishtinës, shtatorja e të cilit u vendos sot para Rektoratit të Universitetit të Prishtinës (UP).

Duke qenë se Hasan Prishtina ishte një prej atdhetarëve më të shquar të historisë që punoi për lirinë dhe për arsimin, është zgjedhur pikërisht data 28 Nëntor, që të përurohet shtatorja e tij, që i bashkohet kështu edhe shumë festave të tjera që shënojnë këtë datë si: Dita e pavarësisë, Dalja në skenë e UCK-së dhe Ditëlindja e komandantit legjendar, Adem Jashari.

Me këtë rast, ministri i Arsimit, Shkencës dhe Teknologjisë, Ramë Buja theksoi rëndësinë e madhe që ka kjo datë për historinë e popullit shqiptar. “Nuk ka festë më të qëlluar se kjo që të vendoset shtatorja e atdhetarit Hasan Prishtina para Rektoratit. Ai ishte një figurë ëmblematike dhe nuk mund ta ketë vendin diku tjetër, përveq para institucionit, ku përgatiten intelektualët e ardhshëm”, theksoi ministri Buja.

Në këtë ceremoni folën edhe presidentja e Kosovës, Atifete Jahjaga, rektori Mujë Rugova, ministri Memli Krasniqi, ambasadori i Shqipërisë në Kosovë, Islam Lauka, përfaqësues të familjes së Hasan Prishtinës dhe historianë nga Kosova e Shqipëria, të cilët theksuan se atdhetari Prishtina nuk kurseuasgjë nga vetja për mirëqenien e kombit të tij, derisa u vra në vitin 1933.

Në këtë ceremoni u tha se duke i respektuar figurat si Hasan Prishtina, respektojmë veten dhe luftën tonë për liri dhe shtet.

Më pas, të gjitha këto personalitete zbuluan shtatoren e Hasan Prishtinës para ndertesës së Rektoratit të UP-së, në praninë e qytetarëve të shumtë, të cilët ishin mbledhur për ta shënuar këtë ngjarje. Shtatorja e cila është rreth 3 metra e gjatë është punaur nga Akademia e Arteve e Tirantës, udhëhequr nga zëvendësrektori i kësaj akademie, Artan Peqini. 

Kalendari

Ngjarjet e datës 31 mars 2023 - Me rastin e shënimit të 24 vjetorit të masakrës së Burimit, Komuna e Malishevës organizon akademi përkujtimore. (Salla e Kuvendit të Komunës së Malishevës, ora 11:00)

- Lëvizja FOL organizon konferencë me ç’rast do të prezantohen gjetjet nga monitorimi i publikimit të vendimeve nga gjykatat e Kosovës për vitin 2022, si dhe në bazë të këtyre gjetjeve do të ndahet “Çmimi për Gjykatën më Transparente” - për dedikim të vazhdueshëm në ngritjen e transparencës përmes publikimit të vendimeve gjyqësore. (Swiss Diamond Hotel, ora 11:00)

- Kryetari I Federatës Sindikale te Sektorit Privat të Kosovës, Jusuf Azemi do të mbaj konferencë për shtyp lidhur me protestën dhe grevën e punëtorëve teknik të këtij spitali që veq ka filluar para dy ditësh. (Spitali Isa Grezda në Gjakovë, ora 11:00)

- Komisioni për Punë të Jashtme dhe Diasporë diskuton lidhur me kërkesën për zhvillim të diplomacisë parlamentare nga Qendra për Studime Politike dhe Diplomatike. (Ndërtesa e Kuvendit, salla N303, ora 11:00)

- Mbahet manifestimi përkujtimor me rastin e 24-vjetorit të vrasjes dhe masakrimit të 106 civilëve në fshatin Pastasel të komunës së Rahovecit. (Kompleksi i Martirëve, Pastasel, ora 11:00)

- Kryetari i Komunës së Malishevës Ekrem Kastrati bën homazhe në varrezat e martirëve në fshatin Dragobil dhe të Kompleksi në vendin e ngjarjes Vrella e Mëhillit. (Fshati Burim, ora 12:00)

- Komuna e Prishtinës përuron hapësirën e dedikuar për sigurinë e nxënësve dhe komunitetin në hapësirat përreth Shkollës Fillore “Elena Gjika”. (Afër shkollës, ora 13:00)

- Komiteti Olimpik i Kosovës organizon Asamblenë e Punës për vitin 2022. (Hotel Emerald, ora 17:00)